फुटनोट

a येशूले आफ्नो उपस्थितिको चिन्हबारे बताउनुभएको कुरालाई विचार गर्दा हामी रोचक कुरा थाह पाउन सक्छौं। उहाँले सबैभन्दा पहिला नेतृत्व लिने अभिषिक्‍त भाइहरूको सानो समूह अर्थात्‌ “विश्‍वासी र बुद्धिमान्‌ दास”-बारे बताउनुभयो। (मत्ती २४:४५-४७) त्यसपछि खासगरि स्वर्गीय आशा पाएकाहरू सबैलाई लागू हुने दृष्टान्तहरू बताउनुभयो। (मत्ती २५:१-३०) अन्तमा, ख्रीष्टका भाइहरूलाई सहयोग गर्ने समूह अर्थात्‌ यसै पृथ्वीमा सधैंभरि बाँच्ने आशा पाएकाहरूबारे बताउनुभयो। (मत्ती २५:३१-४६) आधुनिक समयमा इजकिएलको भविष्यवाणी पनि त्यही तरिकाले पूरा भयो। हो, सुरुमा यो भविष्यवाणी स्वर्गीय आशा पाएकाहरूमा लागू भयो। हुन त, दस-गोत्रे राज्यले पृथ्वीमा सधैंभरि बाँच्ने आशा पाएकाहरूलाई सङ्‌केत गर्दैन, तैपनि यो भविष्यवाणीमा बताइएको एकताबद्ध हुने कुराले पृथ्वीमा सधैंभरि बाँच्ने आशा पाएका र स्वर्ग जाने आशा पाएकाहरूबीच भएको एकतालाई बुझाउँछ।