अक्टोबर १३-१९

• उप ७:२०-२२—हाम्रो चित्त दुखाएको व्यक्‍तिसित समस्याबारे कुरा गर्ने कि नगर्ने भनेर निर्णय गर्न यी पदहरूले हामीलाई कसरी मदत गर्छ? (w२३.०३ पृ. ३० अनु. १८)

  तपाईँको जवाफ

• यस हप्ताको बाइबल पढाइबाट तपाईँले कस्ता बहुमूल्य रत्न भेट्टाउनुभयो?

  तपाईँको जवाफ

यहोवाले मरेकाहरूलाई फेरि जीवित पार्ने प्रतिज्ञा गर्नुभएको छ। यो उहाँले हामीलाई दिनुभएको एउटा बहुमूल्य उपहार हो। यसबाट यहोवा कत्ति शक्‍तिशाली, बुद्धिमान्‌ अनि कृपालु हुनुहुन्छ भनेर सिक्न सक्छौँ। अझ विशेषगरि उहाँ हामी प्रत्येकलाई कत्ति धेरै प्रेम गर्नुहुन्छ भनेर पनि देख्न सक्छौँ।—युह ३:१६.

फेरि जीवित हुने आशामा बलियो विश्‍वास राख्छौँ भने हामी आफ्ना समस्याहरूमा घोरिनेछैनौँ बरु भविष्यको आशामा ध्यान केन्द्रित गर्न सक्नेछौँ। (२को ४:१६-१८) खेदोको सामना गर्नुपर्दा, बिरामी हुँदा वा प्रियजनको मृत्यु हुँदा भविष्यको आशाले हामीलाई मनोशान्ति र सान्त्वना दिन्छ। (१थि ४:१३) फेरि जीवित हुने आशामा विश्‍वास गर्दैनौँ भने हामीले साँचो आनन्द पाउन सक्दैनौँ। (१को १५:१९) यस सुन्दर आशामाथिको आफ्नो विश्‍वास बलियो बनाउने लक्ष्य राख्नुभए कसो होला?

युहन्‍ना ११:२१-२४ पढ्‌नुहोस्‌। त्यसपछि श्रोतालाई सोध्नुहोस्‌:

• मार्थाले फेरि जीवित हुने आशामाथिको आफ्नो विश्‍वास बलियो भएको कुरा कसरी देखाइन्‌?

  तपाईँको जवाफ

• आफूले देखाएको विश्‍वासको कारण तिनले कस्तो इनाम पाइन्‌?—युह ११:३८-४४

  तपाईँको जवाफ

बलियो विश्‍वास देखाएका स्त्रीहरूको अनुकरण गर्नुहोस्‌!​—मार्था भिडियो देखाउनुहोस्‌। त्यसपछि श्रोतालाई सोध्नुहोस्‌:

• तपाईँलाई फेरि जीवित हुने आशा किन मन पर्छ?

  तपाईँको जवाफ

• फेरि जीवित हुने आशामाथिको विश्‍वास बलियो बनाइराख्न तपाईँ के गर्न सक्नुहुन्छ?

  तपाईँको जवाफ