योकेबेदकी छोरी, मरियम के हुँदो रहेछ भनेर हेर्न नजीकै बसिन्‌। केही छिनपछि फिरऊनकी छोरी नील नदीमा नुहाउन आइन्‌।a शायद योकेबेदलाई राजकुमारी नील नदीको त्यही किनारमा आउने गरेको थाह थियो होला, त्यसैले तिनले त्यो बच्चा भएको टोकरी सजिलै पाउन सक्नेगरि त्यहाँ छोडेकी होलिन्‌। जे होस्‌, फिरऊनकी छोरीले केही बेरमै कुशको झाँगमा त्यो टोकरी देखिन्‌ अनि एउटी दासीलाई तान्‍न लगाइन्‌। त्यसभित्र बालक रोइरहेको देखेर तिनलाई एकदम दया लाग्यो। यो हिब्रू बालक रहेछ भनेर तिनले थाह पाइन्‌। तैपनि, यस्तो मायालाग्दो बच्चा मरेको तिनी कसरी हेर्न सक्थिन्‌ र? मानवीय दयाबाहेक फिरऊनकी छोरी लोकप्रिय मिश्री धारणाद्वारा प्रेरित भएकी हुनुपर्छ। त्यस धारणाअनुसार, मानिसले आफ्नो जीवनकालमा कत्तिको दया देखाएको छ, त्यसैको आधारमा उसको स्वर्ग जान पाउने कुरा निर्धारण हुन्छ।b—प्रस्थान २:५, ६.