-
तपाईँ यहोवाको साथी बन्न सक्नुहुन्छसधैँभरि जीवनको आनन्द उठाउनुहोस्!—बाइबल अध्ययन सामग्री
-
-
५. यहोवाले आफ्ना साथीहरूबाट चाहनुहुने कुराहरू
हामी अक्सर आफ्ना साथीहरूले केही गरेको आशा गर्छौँ।
साथीहरूले तपाईँसित कस्तो व्यवहार गरेको चाहनुहुन्छ?
पहिलो युहन्ना ५:३ पढ्नुहोस् अनि यो प्रश्न छलफल गर्नुहोस्:
यहोवा आफ्ना साथीहरूले के गरेको चाहनुहुन्छ?
यहोवाको आज्ञा पालन गर्न हामीले आफ्नो आचरण राम्रो बनाउनुपर्ने वा नराम्रा गुणहरू हटाउनुपर्ने हुन सक्छ। यसैया ४८:१७, १८ पढ्नुहोस् अनि यो प्रश्न छलफल गर्नुहोस्:
यहोवा किन आफ्ना साथीहरूले जीवनमा परिवर्तनहरू गरेको चाहनुहुन्छ?
असल साथीले हाम्रो सुरक्षा र हित हुने कुराबारे सम्झाउँछ। यहोवाले पनि आफ्ना साथीहरूलाई त्यसै गर्नुहुन्छ
-
-
यहोवालाई प्रेम गरेको हामी कसरी देखाउन सक्छौँ?सधैँभरि जीवनको आनन्द उठाउनुहोस्!—बाइबल अध्ययन सामग्री
-
-
पाठ ३४
यहोवालाई प्रेम गरेको हामी कसरी देखाउन सक्छौँ?
के तपाईँले बाइबल अध्ययन गर्न थालेपछि यहोवासित नजिक हुँदै गएको महसुस गर्नुभएको छ? के तपाईँ यहोवासितको मित्रतालाई बलियो बनाउँदै लैजान चाहनुहुन्छ? चाहनुहुन्छ भने यो कुरा नबिर्सनुहोस्: यहोवाप्रति तपाईँको प्रेम जति बढ्दै गएको उहाँ देख्नुहुन्छ, त्यति नै उहाँले तपाईँलाई प्रेम गर्नुहुनेछ र तपाईँको ख्याल राख्नुहुनेछ। उहाँलाई प्रेम गरेको तपाईँ कसरी देखाउन सक्नुहुन्छ?
१. यहोवालाई प्रेम गरेको हामी कसरी देखाउँछौँ?
हामी यहोवाप्रति आज्ञाकारी भएर उहाँलाई प्रेम गरेको देखाउँछौँ। (१ युहन्ना ५:३ पढ्नुहोस्।) उहाँ कसैलाई पनि आफ्नो आज्ञा मान्न कर गर्नुहुन्न। बरु उहाँको आज्ञा मान्ने कि नमान्ने भनेर छनौट गर्न हामी प्रत्येकलाई मौका दिनुहुन्छ। किन? किनभने हामी “मनैदेखि आज्ञाकारी” भएको यहोवा चाहनुहुन्छ। (रोमी ६:१७) भन्नुको मतलब, हामी करमा परेर नभई उहाँलाई प्रेम गरेकोले आज्ञाकारी भएको उहाँ चाहनुहुन्छ। तपाईँ यहोवालाई मन पर्ने काम गरेर अनि मन नपर्ने कामबाट अलग रहेर उहाँलाई प्रेम गरेको देखाउन सक्नुहुन्छ। यसो गर्न तपाईँलाई यस किताबको भाग ३ र ४ ले मदत गर्नेछ।
२. यहोवालाई प्रेम गरेको देखाउन हामीलाई किन गाह्रो हुन सक्छ?
“धर्मी मानिसले धेरै दुःखकष्ट झेल्नुपर्छ।” (भजन ३४:१९) हामी सबैको आ-आफ्नै कमीकमजोरी छन्। साथै हामीले आर्थिक समस्या, अन्याय र अरू थुप्रै गाह्रो अवस्था भोगिरहेका हुन सक्छौँ। यस्ता कठिनाइहरूको सामना गर्नुपर्दा यहोवा हामीबाट जे चाहनुहुन्छ, त्यो गर्न गाह्रो लाग्न सक्छ। किनभने त्यतिबेला यहोवाको आज्ञा पालन नगर्नु नै सजिलो लाग्न सक्छ। तर तपाईँ यहोवाको इच्छाअनुसारै चल्नुभयो भने अरू कुनै कुरालाई भन्दा उहाँलाई प्रेम गरेको देखिन्छ। यसो गर्दा तपाईँ यहोवाप्रति वफादार भएको प्रमाणित हुनेछ अनि उहाँ पनि तपाईँप्रति वफादार हुनुहुनेछ। उहाँले तपाईँलाई कहिल्यै त्याग्नुहुनेछैन।—भजन ४:३ पढ्नुहोस्।
अझ खोतल्नुहोस्
तपाईँ आज्ञाकारी हुँदा यहोवालाई किन खुसी लाग्छ, बुझ्नुहोस्। साथै उहाँप्रति आज्ञाकारी भइरहन तपाईँलाई कुन कुराले मदत गर्न सक्छ, जान्नुहोस्।
३. तपाईँ मुछिनुभएको एउटा विवाद
बाइबलको अय्युब भन्ने किताबमा बताइएअनुसार सैतानले अय्युब नाम गरेको एक व्यक्तिमाथि मात्र होइन, यहोवाको सेवा गर्न चाहने सबै मानिसमाथि एउटा आरोप लगायो। अय्युब १:१, ६–२:१० पढ्नुहोस् अनि यी प्रश्नहरु छलफल गर्नुहोस्:
अय्युबले यहोवाको आज्ञा पालन गर्नुको कारणबारे सैतानले के भन्यो?—अय्युब १:९-११ हेर्नुहोस्।
सैतानले तपाईँलगायत सबै मानिसमाथि कस्तो आरोप लगाएको छ?—अय्युब २:४ हेर्नुहोस्।
अय्युब २७:५ख पढ्नुहोस् अनि यो प्रश्न छलफल गर्नुहोस्:
अय्युबले यहोवालाई साँच्चै प्रेम गरेको कसरी देखाए?
यहोवाप्रति वफादार रहेर अय्युबले उहाँलाई प्रेम गरेको देखाए
यहोवाप्रति वफादार रहेर हामी उहाँलाई प्रेम गरेको देखाउँछौँ
४. यहोवाको हृदयलाई खुसी बनाउनुहोस्
हितोपदेश २७:११ पढ्नुहोस् अनि यी प्रश्नहरू छलफल गर्नुहोस्:
तपाईँ बुद्धिमान् र यहोवाप्रति आज्ञाकारी हुनुभयो भने उहाँलाई कस्तो लाग्छ? किन?
५. तपाईँ यहोवाप्रति वफादार हुन सक्नुहुन्छ
यहोवाप्रतिको प्रेमले गर्दा हामी अरूलाई उहाँबारे बताउन उत्प्रेरित हुन्छौँ। हामी यहोवाप्रति वफादार भएकोले कहिलेकाहीँ गाह्रो भए तापनि उहाँबारे अरूलाई बताउँछौँ। भिडियो हेर्नुहोस् अनि तल दिइएका प्रश्नहरू छलफल गर्नुहोस्:
के तपाईँलाई यहोवाबारे अरूलाई बताउन कहिलेकाहीँ गाह्रो लाग्छ?
भिडियोमा देखाइएका ग्रेसनले कसरी डर हटाउन सके?
यहोवाले प्रेम गर्नुहुने कुरालाई प्रेम गर्दा र घृणा गर्नुहुने कुरालाई घृणा गर्दा हामी उहाँप्रति वफादार भइरहन सक्छौँ। भजन ९७:१० पढ्नुहोस् अनि यी प्रश्नहरू छलफल गर्नुहोस्:
तपाईँले अहिलेसम्म सिक्नुभएअनुसार यहोवाले प्रेम गर्नुहुने केही कुरा के-के हुन्? उहाँले घृणा गर्नुहुने केही कुरा के-के हुन्?
तपाईँ कसरी जे असल छ, त्यसलाई प्रेम गर्न र जे खराब छ, त्यसलाई घृणा गर्न सिक्न सक्नुहुन्छ?
६. यहोवाप्रति आज्ञाकारी हुँदा हाम्रो भलो हुन्छ
यहोवाप्रति आज्ञाकारी हुँदा सधैँ हाम्रो भलो हुन्छ। यसैया ४८:१७, १८ पढ्नुहोस् अनि यी प्रश्नहरू छलफल गर्नुहोस्:
के तपाईँलाई हाम्रो भलाइ केमा छ भनेर यहोवालाई राम्ररी थाह छ जस्तो लाग्छ? किन?
बाइबल र साँचो परमेश्वर यहोवाबारे अध्ययन गरेर तपाईँले कस्तो फाइदा उठाउनुभएको छ?
कोही-कोही भन्छन्: “मैले जेसुकै गरे पनि परमेश्वरलाई केही फरक पर्दैन।”
हाम्रो कामले यहोवालाई खुसी वा दुःखी बनाउन सक्छ भनेर बुझाउन तपाईँ कुन बाइबल पद प्रयोग गर्न सक्नुहुन्छ?
सारांश
गाह्रो अवस्थाको बाबजुद यहोवाप्रति आज्ञाकारी र वफादार भएर उहाँलाई प्रेम गरेको तपाईँ देखाउन सक्नुहुन्छ।
तपाईँले के सिक्नुभयो?
तपाईँले अय्युबको उदाहरणबाट के सिक्नुभयो?
यहोवालाई प्रेम गरेको तपाईँ कसरी देखाउनुहुन्छ?
यहोवाप्रति वफादार भइरहन तपाईँलाई कुन कुराले मदत गर्नेछ?
अझ धेरै जान्नुहोस्
यहोवा र मण्डलीप्रति तपाईँ कसरी वफादार हुन सक्नुहुन्छ, थाह पाउनुहोस्।
मानिसहरूमाथि सैतानले लगाएका आरोपहरूबारे अझ धेरै जान्नुहोस्।
“अय्यूब सत्यनिष्ठ भइरहन्छन्” (बाइबल—यसले दिने सन्देश के हो? भाग ६)
साना केटाकेटीले समेत यहोवालाई प्रेम गरेको कसरी देखाउन सक्छन्, याद गर्नुहोस्।
किशोरकिशोरी आफ्ना साथीहरूबाट दबाब आउँदा पनि यहोवाप्रति कसरी वफादार भइरहन सक्छन्?
-
-
हामी कसरी सही निर्णय गर्न सक्छौँ?सधैँभरि जीवनको आनन्द उठाउनुहोस्!—बाइबल अध्ययन सामग्री
-
-
पाठ ३५
हामी कसरी सही निर्णय गर्न सक्छौँ?
हामी सबैले जीवनमा अनेकन् निर्णय गर्नुपर्छ। यीमध्ये थुप्रै निर्णयले हाम्रो जीवनमा र यहोवासितको मित्रतामा ठूलो असर पार्न सक्छ। जस्तै: कहाँ बस्ने, जीविका चलाउन के गर्ने अनि विवाह गर्ने कि नगर्ने। सही निर्णय गर्दा हाम्रो जीवन सुखी हुन्छ र हामी यहोवालाई खुसी बनाउन सक्छौँ।
१. बाइबलले तपाईँलाई सही निर्णय गर्न कसरी मदत गर्न सक्छ?
कुनै निर्णय गर्नुअघि यहोवाको मदतको लागि प्रार्थना गर्नुहोस् अनि त्यस विषयमा उहाँको दृष्टिकोण बुझ्न बाइबल केलाउनुहोस्। (हितोपदेश २:३-६ पढ्नुहोस्।) कुनै-कुनै अवस्थामा यहोवाले तोकेरै आज्ञा दिनुहुन्छ। त्यसो हो भने त्यो आज्ञा पालन गर्नु नै तपाईँले गर्न सक्ने सबैभन्दा उत्तम निर्णय हो।
तर तपाईँले के गर्नुपर्छ भनेर बाइबलमा तोकेरै आज्ञा दिइएको छैन भने नि? यस्तो अवस्थामा समेत यहोवाले ‘तपाईँ हिँड्नुपर्ने बाटोमा तपाईँलाई डोऱ्याउनुहुनेछ।’ (यसैया ४८:१७) कसरी? बाइबलमा पाइने सिद्धान्तहरूले तपाईँलाई डोऱ्याउन सक्छ। यी सिद्धान्तहरू भनेको परमेश्वरको सोचाइ र भावना प्रकट गर्ने आधारभूत सत्यहरू हुन्। परमेश्वर कुनै विषयबारे कस्तो महसुस गर्नुहुन्छ भनेर प्रायजसो हामी बाइबलको विवरण पढेर थाह पाउँछौँ। त्यस विषयमा यहोवाको दृष्टिकोण बुझेपछि हामी उहाँलाई खुसी बनाउने निर्णय गर्न सक्छौँ।
२. कुनै निर्णय गर्नुअघि तपाईँले कस्ता कुरा विचार गर्नुपर्छ?
बाइबलले भन्छ: “चतुर मानिसले सोचविचार गरेर कदम चाल्छ।” (हितोपदेश १४:१५) यसको मतलब कुनै निर्णय गर्नुअघि हामीले के-कस्ता विकल्प छन् भनेर राम्ररी सोच्नुपर्छ, हतार गर्नु हुँदैन। प्रत्येक विकल्प केलाउँदा आफैलाई यस्ता प्रश्नहरू सोध्नुहोस्: ‘यसमा कुन-कुन बाइबल सिद्धान्त लागू हुन्छ? कुनचाहिँ विकल्प रोज्दा मैले मनोशान्ति पाउनेछु? मेरो निर्णयले अरूमा कस्तो असर पार्न सक्छ? सबैभन्दा महत्त्वपूर्ण कुरा, के यसले यहोवालाई खुसी बनाउनेछ?’—व्यवस्था ३२:२९.
हाम्रो लागि असल के हो र खराब के हो भनेर बताउने अधिकार यहोवासित छ। हामीले उहाँका नियम र सिद्धान्तहरू राम्ररी बुझेर त्यसैअनुसार चल्ने अठोट गऱ्यौँ भने आफ्नो अन्तस्करणलाई तालिम दिइरहेका हुन्छौँ। अन्तस्करण भनेको सही र गलत छुट्ट्याउन मदत गर्ने हाम्रो भित्री चेतना हो। (रोमी २:१४, १५) राम्ररी तालिम पाएको अन्तस्करणले हामीलाई सही निर्णय गर्न मदत गर्नेछ।
अझ खोतल्नुहोस्
बाइबलका सिद्धान्तहरू र अन्तस्करणले तपाईँलाई सही निर्णय गर्न कसरी मदत गर्छ, अझ राम्ररी बुझ्नुहोस्।
३. बाइबलको डोऱ्याइअनुसार चल्नुहोस्
निर्णयहरू गर्नुपर्दा बाइबलका सिद्धान्तहरूले हामीलाई कसरी डोऱ्याउन सक्छ? भिडियो हेर्नुहोस् अनि तल दिइएका प्रश्नहरू छलफल गर्नुहोस्:
छनौट गर्ने स्वतन्त्रता भनेको के हो?
यहोवाले हामीलाई किन छनौट गर्ने स्वतन्त्रता दिनुभयो?
छनौट गर्ने स्वतन्त्रता सबैभन्दा उत्तम तरिकामा प्रयोग गर्न यहोवाले हामीलाई के दिनुभएको छ?
बाइबलको एउटा सिद्धान्त विचार गर्न एफिसी ५:१५, १६ पढ्नुहोस्। त्यसपछि निम्न कुराहरूको लागि तपाईँ कसरी “समयको पूर्ण सदुपयोग” गर्न सक्नुहुन्छ, छलफल गर्नुहोस्:
नियमित रूपमा बाइबल पढ्न।
अझ राम्रो पति वा पत्नी, आमा वा बुबा अनि छोरा वा छोरी बन्न।
मण्डलीका सभाहरूमा उपस्थित हुन।
४. सही निर्णय गर्न आफ्नो अन्तस्करणलाई तालिम दिनुहोस्
बाइबलले तोकेरै आज्ञा दिएको विषयमा सही निर्णय गर्न त्यत्ति गाह्रो नहोला। तर त्यसरी आज्ञा दिइएको छैन भने नि? भिडियो हेर्नुहोस् अनि तल दिइएको प्रश्न छलफल गर्नुहोस्:
भिडियोमा देखाइएकी बहिनीले अन्तस्करणलाई तालिम दिन र यहोवालाई खुसी बनाउने निर्णय गर्न कस्ता कदम चालिन्?
हामी आफैले गर्नुपर्ने निर्णयहरू किन अरूलाई गरिदिन आग्रह गर्नु हुँदैन? हिब्रू ५:१४ पढ्नुहोस् अनि यी प्रश्नहरू छलफल गर्नुहोस्:
अरूले हाम्रो लागि निर्णय गरिदियो भने सजिलो हुन्छ जस्तो लागे तापनि हामीले कुन कुरा छुट्ट्याउन सक्नुपर्छ?
आफ्नो अन्तस्करणलाई तालिम दिन र सही निर्णय गर्न तपाईँ कहाँबाट मदत पाउन सक्नुहुन्छ?
नक्साले सही बाटो देखाएझैँ हाम्रो अन्तस्करणले जीवनमा सही निर्णय गरेर अघि बढ्न मदत गर्छ
५. अरूको अन्तस्करणको कदर गर्नुहोस्
मानिसहरूको निर्णय फरक-फरक हुन सक्छ। हामी अरूको अन्तस्करणको कदर गरेको कसरी देखाउन सक्छौँ? यी दुइटा परिस्थिति विचार गर्नुहोस्:
परिस्थिति १: मेकअप गर्न मन पराउने एउटी बहिनी अर्को मण्डलीमा सर्छिन्। तर त्यस मण्डलीका थुप्रै बहिनीलाई अरूले मेकअप गरेको देख्दा अप्ठ्यारो लाग्छ।
रोमी १५:१ र १ कोरिन्थी १०:२३, २४ पढ्नुहोस् अनि यी प्रश्नहरू छलफल गर्नुहोस्:
यी पदहरूको आधारमा ती बहिनीले कस्तो निर्णय गर्लिन्? तपाईँको अन्तस्करणले कुनै कुरा गर्न दिन्छ तर तपाईँसँगै भएको व्यक्तिको अन्तस्करणले दिँदैन भने तपाईँ के गर्नुहुनेछ?
परिस्थिति २: एक जना भाइलाई बाइबलले ठिक्क मात्रामा रक्सी पिउन निषेध गरेको छैन भनेर थाह छ। तैपनि तिनी रक्सी पटक्कै नपिउने निर्णय गर्छन्। तिनलाई एउटा जमघटमा बोलाइन्छ र त्यहाँ तिनले अरू भाइहरूले रक्सी पिइरहेको देख्छन्।
उपदेशक ७:१६ र रोमी १४:१, १० पढ्नुहोस् अनि यी प्रश्नहरू छलफल गर्नुहोस्:
यी पदहरूको आधारमा ती भाइले कस्तो निर्णय गर्लान्? तपाईँको अन्तस्करणले गर्न नदिने कुरा अर्को व्यक्तिले गरिरहेको देख्दा तपाईँ के गर्नुहुनेछ?
सही निर्णय गर्न तपाईँ कस्ता कदम चाल्न सक्नुहुन्छ?
१. के गर्ने भनी निर्णय गर्न यहोवासित मदत माग्नुहोस्।—याकुब १:५.
२. कस्ता सिद्धान्त लागू हुन्छन् भनेर थाह पाउन बाइबल र बाइबलआधारित प्रकाशनहरूमा अनुसन्धान गर्नुहोस्। तपाईँ अनुभवी ख्रिष्टियनहरूसित पनि सल्लाह माग्न सक्नुहुन्छ।
३. तपाईँको निर्णयले आफ्नो र अरूको अन्तस्करणमा पार्ने असरबारे सोच्नुहोस्।
कोही-कोही भन्छन्: “म जे चाहन्छु, त्यही गर्छु। यो मेरो अधिकार हो। अरूले जेसुकै सोचून्, मलाई कुनै मतलब छैन।”
हाम्रो निर्णयले परमेश्वरको र अरू मानिसको भावनामा पार्ने असरबारे हामीले किन सोच्नुपर्छ?
सारांश
कुनै विषयबारे यहोवा कस्तो महसुस गर्नुहुन्छ भनेर बुझ्यौँ अनि हाम्रो कामले अरूलाई फाइदा पुऱ्याउँछ कि हानि भनेर विचार गऱ्यौँ भने सही निर्णय गर्न सक्छौँ।
तपाईँले के सिक्नुभयो?
तपाईँ कसरी यहोवालाई खुसी बनाउने निर्णय गर्न सक्नुहुन्छ?
तपाईँ कसरी आफ्नो अन्तस्करणलाई तालिम दिन सक्नुहुन्छ?
तपाईँ कसरी अरूको अन्तस्करणको कदर गरेको देखाउन सक्नुहुन्छ?
अझ धेरै जान्नुहोस्
तपाईँ कसरी परमेश्वरसितको मित्रतालाई बलियो बनाउने निर्णयहरू गर्न सक्नुहुन्छ?
“परमेश्वरको आदर हुने निर्णय गर्नुहोस्” (प्रहरीधरहरा, अप्रिल १५, २०११)
यहोवा हामीलाई कसरी सल्लाह दिनुहुन्छ भन्ने विषयमा अझ राम्ररी बुझ्नुहोस्।
एक जना मानिसलाई एउटा गाह्रो निर्णय गर्नुपर्दा कस्ता कुराले मदत गऱ्यो, हेर्नुहोस्।
यहोवाले कुनै विषयमा तोकेरै आज्ञा दिनुभएको छैन भने पनि हामी कसरी उहाँलाई खुसी बनाउन सक्छौँ, बुझ्नुहोस्।
“के तपाईँलाई हरबखत बाइबलका आज्ञाहरू चाहिन्छ? (प्रहरीधरहरा, डिसेम्बर १, २००३)
-