परिवर्तनीय परिस्थितिमा लचकदार

^६ यहोवाले जस्तै निर्णय बदल्न अथवा परिस्थितिहरू परिवर्तन हुँदा त्यसैअनुसार व्यवहार गर्न येशू छरितो साबित हुनुभयो। एक पटक एउटी अन्यजाति स्त्रीले भूतले सताएको आफ्नी छोरीलाई निको पार्न उहाँलाई आग्रह गरिन्‌। तिनलाई मदत गर्नुहुनेछैन भनी येशूले तीन बेग्लाबेग्लै ढङ्‌गमा सुरुमै सङ्‌केत दिनुभयो—प्रथम, तिनलाई जवाफ नदिनु भएर; दोस्रो, उहाँ अन्यजातिहरूको निम्ति नभई यहूदीहरूको लागि पठाइएको भनी सोझै भन्‍नुभएर; तेस्रो, दयालु ढङ्‌गमा त्यही कुरा बताउन उखान चलाउनु भएर। तर यी सबैको बावजूद त्यस स्त्रीले बिन्ती गरी नै रहिन्‌ र आफ्नो असाधारण विश्‍वास प्रदर्शन गरिन्‌। यो परिस्थितिलाई ध्यानमा राख्दा यो कुनै सामान्य नियम लागू गराउने समय नभई उच्च सिद्धान्तहरूको निम्ति लचकदार हुने समय हो भनी येशूलाई थाहा थियो।a तसर्थ, आफूले तीन पटकसम्म जे गर्दिन भन्‍नुभएको थियो, उहाँले त्यही गर्नुभयो। उहाँले त्यस स्त्रीकी छोरीलाई निको पार्नुभयो।—मत्ती १५:२१-२८.

[पृष्ठ १५-मा भएको चित्र]

एउटी स्त्रीले असामान्य विश्‍वास देखाउँदा यो कुनै साघारण नियम लागू गर्ने समय होइन भनेर येशूले बुझ्नुभयो