पूर्वाग्रहलाई प्रेम र नम्रताले जित्ने

८. ख्रीष्टियन एकताको आधार के हो? व्याख्या गर्नुहोस्‌।

^८ येशूले आफ्ना चेलाहरूलाई यसो भन्‍नुभयो, ‘तिमीहरू सबै दाजुभाइ हौ।’ (मत्ती २३:८, ९ पढ्‌नुहोस्‌) उहाँले बताउनुभएको यो सिद्धान्त नै हाम्रो एकताको आधार हो। हुनत हामी सबै आदमका सन्तान भएकोले एक अर्थमा “दाजुभाइ” हौँ। (प्रेषि. १७:२६) तर येशूले भन्‍न खोज्नुभएको त्यति मात्र थिएन। येशूका चेलाहरूले यहोवालाई स्वर्गमा हुनुहुने आफ्नो बुबा भनी स्विकारेकोले तिनीहरू दाजुभाइ दिदीबहिनी हुन्‌ भनेर उहाँले बताउनुभएको थियो। (मत्ती १२:५०) त्यसका साथै, तिनीहरू एउटा ठूलो आध्यात्मिक परिवारको भाग बनेका थिए, जुन प्रेम र विश्‍वासले गर्दा एकतामा बाँधिएको थियो। त्यसैले येशूका प्रेषितहरूले अरू ख्रीष्टियनहरूलाई पत्र लेख्दा अक्सर भाइहरू र बहिनीहरू दुवैलाई सम्बोधन गर्दै लेखे।—रोमी १:१३; १ पत्रु. २:१७; १ यूह. ३:१३.a