रोटी र दाखमद्य येशूको शरीर र रगतमा परिणत हुन्छ भनेर विश्‍वास गर्नेहरूले बाइबलको कुनै-कुनै शब्दलाई गलत अर्थ लगाएका छन्‌। जस्तै, येशूले दाखमद्यबारे भन्‍नुभएको कुरालाई थुप्रै बाइबल अनुवादमा यसरी अनुवाद गरिएको छ, “यो नयाँ करारको मेरो रगत हो।” (मत्ती २६:२८) तर यस पदलाई यसरी पनि अनुवाद गर्न सकिन्छ, “यसले मेरो रगतलाई बुझाउँछ,” “यो मेरो रगतको प्रतीक हो” अथवा “यसले मेरो रगतलाई चित्रण गर्छ।”f येशूले प्रायजसो तुलना गरेर सिकाउनुहुन्थ्यो। यहाँ पनि उहाँले दाखमद्यलाई रगतसित तुलना गरेर सिकाउँदै हुनुहुन्थ्यो।—मत्ती १३:३४, ३५.