१२, १३. आज कसै कसैको होस खुल्न केले मदत गरेको छ? (पेटी हेर्नुहोस्‌।)

^१२ “तर त्यसको होश खुलेपछि त्यसले भन्यो, ‘मेरा बाबुका कत्ति ज्यालादारी चाकरहरूलाई खानेकुरो प्रशस्त भएर उबार्ने समेत होलान्‌, तर मचाहिं भोकले मरिरहेछु। म उठेर आफ्ना बाबुकहाँ जानेछु र उहाँलाई भन्‍नेछु, “हे पिता, मैले स्वर्गको विरुद्धमा र तपाईंको दृष्टिमा पाप गरेको छु, अब उप्रान्त म तपाईंको छोरो भनिने योग्यको छैनँ। मलाई तपाईंका ज्यालादारी नोकरहरूमध्ये एउटा सरह तुल्याउनुहोस्‌।” ’ तब त्यो उठेर आफ्नो बाबुकहाँ गयो।”—लूका १५:१७-२०.

१४. उडन्ताले के निर्णय गऱ्‍यो र त्यसो गर्दा उसले कसरी नम्रता देखायो?

^१४ तर तर्केकाहरूले आफ्नो स्थितिलाई सुधार्न के गर्नसक्छन्‌? येशूको उखानमा उडन्ताले फेरि घर फर्कने र बुबासित माफी माग्ने निर्णय गऱ्‍यो। उसले यसो भन्‍ने निधो गऱ्‍यो, “मलाई तपाईंका ज्यालादारी नोकरहरूमध्ये एउटा सरह तुल्याउनुहोस्‌।” ज्यालादारीमा काम गर्ने नोकरले दिनभरि मात्र काम गर्थ्यो र उसलाई जुनसुकै बेला निकाल्न सकिन्थ्यो। यो दर्जा दासको भन्दा पनि कम थियो। किनभने कमसे कम दासलाई परिवारको सदस्य ठानिन्थ्यो। अतः उडन्ताले आफ्नो पहिलेकै जस्तो मान अर्थात्‌ छोरा नै हुन पाऊँ भन्‍ने कुरा मनमा राखेको थिएन। दिन बित्दै जाँदा बुबाप्रति आफ्नो वफादारीको प्रमाण फेरि पेस गर्नसकियोस्‌ भनेर ऊ निम्न दर्जासमेत ग्रहण गर्न राजी थियो। तथापि, उडन्ता छक्क पर्नेथियो।