e लूका २१:२४-उप्रान्त लूकाको विवरणले एउटा बेग्लै मोड लियो भनी धेरै व्यक्‍तिहरू भन्छन्‌। डा० लियोन मोरिस टिपोट गर्छन्‌: “येशू अन्यजातिको समयबारे भन्दै जानुहुन्छ। . . . धेरै विद्वानहरूको दृष्टिकोणमा तत्पश्‍चात्‌ मानिस पुत्रको आगमनतर्फ ध्यान केन्द्रित भएको छ।” प्राध्यापक आर० जिन्स्‌ लेख्छन्‌: “मानिस पुत्रको आगमन—(मत्ती २४:२९-३१; मर्कूस १३:२४-२७) अन्यजातिको समयको उल्लेखले यस शीर्षकको प्रसङ्‌ग तयार पार्छ; [लूकाको] दृष्टिकोण अब यरूशलेमको विनाशपश्‍चात्‌ भविष्यमा हुने घटनाहरूमा केन्द्रित छ।”

f प्राध्यापक वाल्टर एल० लिफेल्ड लेख्छन्‌: “येशूले गर्नुभएका भविष्यवाणीहरूले दुई वटा समयावधि ढाकिरहेको थियो भनेर अनुमान लाउनु अवश्‍यम्भावी छ: (१) मन्दिर लगायत ई०स० ७०-का घटनाहरू र (२) विनाशकारी ढङ्‌गमा टाढाको भविष्यमा हुने घटनाहरूबारे गरिएको विवरण।” जे० आर० डमेलोद्वारा सम्पादित टिप्पणीले यसो भन्छ: “हाम्रा प्रभुले एउटा मात्र नभइ दुई वटा घटनालाई सङ्‌केत गरिरहनुभएको थियो र त्यसमा दोस्रो चाहिं पहिलो जस्तै दुरुस्त थियो भनी मानी लियौं भने यस महान विवरणबारे उत्पन्‍न भएका जटिल अप्ठ्याराहरू सजिलै हट्‌छन्‌। . . . ‘अन्यजातिको समय’-बारे बताउने विशेषगरि [लूका] २१:२४-ले . . . यरूशलेमको पतन र जगतको अन्तबीच लामो अनिश्‍चित समयावधि जनाउँछ।”