७. सिंहासनमा विराजमान हुनु हुनेको हातबाट पुस्तक थाप्न येशू के कारणले योग्य हुनुहुन्छ?

^७ मुख्यतः येशूले एक जना सिद्ध मानवको रूपमा आफ्नो निष्ठा कायम राख्दै घोर दुःखको सामने पनि यहोवाको सेवा गर्नु भयो। उहाँले शैतानको चुनौतीलाई मुखभरिको जवाफ दिनु भयो। (हितोपदेश २७:११) त्यसैकारण त उहाँले आफ्नो बलिदानरूपी मृत्युअघिको रात “मैंले संसारलाई जितेको छु” भन्‍न सक्नु भयो। (यूहन्‍ना १६:३३) परिणामस्वरूप, यहोवाले येशूलाई उहाँको पुनरुत्थानपश्‍चात्‌ “स्वर्ग र पृथ्वीमा सारा अधिकार” दिनु भयो। परमेश्‍वरका जम्मै सेवकहरूमध्येबाट उहाँ एक जना मात्र त्यो पुस्तक थाप्न र त्यसमा भएका कुराको जानकारी अरूलाई दिने योग्यको हुनुहुन्छ।—मत्ती २८:१८.

११. महिमायुक्‍त येशूलाई “मारिएको थुमा” भनेर प्रस्तुत गर्नु उहाँलाई अपमानित गरेको अथवा होंच्याएको किन होइन?

^११ तर महिमायुक्‍त येशूलाई “मारिएको थुमा”-को रूपमा यसरी प्रस्तुत गर्दा के उहाँलाई अलिकता तुच्छ ठानेको अथवा अपमान गरेको जस्तो हुँदैन र? कदापि हुँदैन! येशू मरणान्तसम्म विश्‍वासी रहनु नै शैतानको ठूलो हार र यहोवा परमेश्‍वरको महा जीत थियो। येशूलाई यसरी प्रस्तुत गर्नु शैतानको संसारमाथि येशूको विजयको ज्वलन्त चित्रण गर्नु हो। साथै यसले मानवजातिप्रति यहोवा र येशूको गहिरो प्रेमको पनि हामीलाई सम्झना गराउँछ। (यूहन्‍ना ३:१६; १५:१३; कलस्सी २:१५-सित तुलना गर्नुहोस्‌।) यसप्रकार, येशू नै प्रतिज्ञा गरिएको सन्तान र पुस्तक खोल्न सक्ने एक मात्र योग्य व्यक्‍ति हुनुहुन्छ भन्‍ने ठोस सङ्‌केत हामी यसबाट पाउँछौं।—उत्पत्ति ३:१५.