७, ८. स्वर्गदूतको निर्देशनले प्रेषितहरूमा कस्तो प्रभाव पाऱ्‍यो? हामीले आफैलाई कस्तो प्रश्‍न सोध्नुपर्छ?

^७ मुद्दा छिनोफानो हुने पर्खाइमा झ्यालखानामा बसिरहेका प्रेषितहरूको मनमा आफू सहिद हुनुपर्ने हो कि भन्‍ने कुरा खेलिरहेको हुन सक्छ। (मत्ति २४:९) तर त्यस रात कल्पनै नगरेको घटना घट्यो—“यहोवा परमेश्‍वरको स्वर्गदूतले झ्यालखानाको ढोका खोलिदिए।”b (प्रेषि. ५:१९) त्यसपछि स्वर्गदूतले तिनीहरूलाई तोकेरै यस्तो निर्देशन दिए: “मन्दिरमा खडा भएर . . . सबै कुरा बताइरहो।” (प्रेषि. ५:२०) त्यस्तो आज्ञा पाएपछि आफूले गरिरहेको काम सही हो भनेर प्रेषितहरू पक्कै ढुक्क भए। ती स्वर्गदूतको कुरा सुनेपछि तिनीहरूले जस्तोसुकै परिस्थिति आए तापनि दृढ अडान लिन थप बल पाएको हुनुपर्छ। बलियो विश्‍वास र साहसका साथ प्रेषितहरू “बिहान हुनेबित्तिकै मन्दिरभित्र पसेर सिकाउन थाले।”—प्रेषि. ५:२१.