^१२ हननियाले आफूले पाएको जिम्मेवारी आज्ञाकारी भई पूरा गरे र आशिष्‌ पाए। राम्ररी साक्षी दिने जिम्मेवारी पूरा गर्न तपाईँलाई गाह्रो लागे तापनि के तपाईँ यो आज्ञा पालन गर्नुहुन्छ? कसै-कसैलाई घरघरमा गएर नचिनेका मानिसहरूसित कुरा गर्न डर लाग्छ। अरूलाई भने मानिसहरूलाई तिनीहरूको काम गर्ने ठाउँमा, सडकमा अनि टेलिफोन वा चिठीमार्फत साक्षी दिन चुनौतीपूर्ण लाग्छ। हननियाले आफ्नो डरलाई जित्न सके र सावललाई पवित्र शक्‍ति पाउन मदत गर्ने सुअवसर पाए।b येसुमाथि भरोसा गरेकोले अनि सावललाई सम्भाव्य ख्रिष्टियन भाइ ठानेकोले हननिया सफल भए। हामीले पनि हननियाले जस्तै साक्षीकार्यलाई येसुले डोऱ्‍याउँदै हुनुहुन्छ भनेर भरोसा गऱ्‍यौँ, मानिसहरूप्रति समानुभूति देखायौँ र डरलाग्दो मानिसहरूलाई पनि आफ्नो सम्भाव्य भाइ वा बहिनी ठान्यौँ भने आफ्नो डर जित्न सक्छौँ।—मत्ति ९:३६.