फिलिप्पीमा पावलको प्रचारकार्य

सा.यु. ५० तिर पावल पहिलो चोटि युरोप गए र फिलिप्पीमा प्रचार गर्न थाले।a नयाँ शहरमा पुगेपछि सर्वप्रथम सभाघरमा गएर त्यहाँ भेला भएका जन्मजात यहूदी तथा धर्म परिवर्तन गरेर यहूदी धर्म मानेकाहरूलाई प्रचार गर्ने पावलको चलनै थियो। (प्रेरित १३:४, ५, १३, १४; १४:१ तुलना गर्नुहोस्‌।) तथापि, केही जानकारीअनुसार रोमी व्यवस्थाले यहूदीहरूलाई फिलिप्पीको “पवित्र सिमाना[भित्र]” तिनीहरूको धर्म मान्‍न निषेध गर्थ्यो। त्यसैकारण, “केही दिन” त्यहाँ बिताएर विश्रामको दिनमा ‘प्रार्थना गर्ने ठाउँ त्यही हो भन्‍ने सम्झेर’ मिसनरीहरू शहरको मूलढोकाबाहिर नदीको किनारमा भेला भए। (प्रेरित १६:१२, १३) स्पष्टतः, यो ग्याङगटेस नदी थियो। मिसनरीहरू त्यहाँ पुग्दा स्त्रीहरू मात्रै थिए, जसमध्ये एक लिडिया थिइन्‌।