पावलले उल्लेख गरेको “प्रमोदवन”-ले चाहिँ केलाई बुझाउँछ?

“प्रमोदवन” शब्दले पनि विभिन्‍न कुरालाई बुझाउन सक्छ: (१) परमेश्‍वरले सुरुमा मानिस बस्नको लागि बनाउनुभएको अदनको बगैँचालाई विचार गर्दा “प्रमोदवन” शब्दले चाँडै यस पृथ्वीमा स्थापना हुने प्रमोदवनलाई बुझाउँछ। (२) यसले नयाँ संसारमा परमेश्‍वरका जनमाझ छाउने आध्यात्मिक वातावरणलाई पनि बुझाउँछ। (३) साथै यसले स्वर्गको आनन्दमय अवस्थालाई पनि बुझाउन सक्छ, जसलाई प्रकाश २:७ मा “परमेश्‍वरको प्रमोदवन” भनिएको छ।—प्रहरीधरहरा, जुलाई १५ २०१५, पृष्ठ ८, अनु. ८ हेर्नुहोस्‌।

दोस्रो कोरिन्थी १२:४ मा पावलले आफ्नो अनुभव बताउँदा यी तीनै वटा पक्षबारे बताइरहेका हुन सक्छन्‌।

पावललाई दर्शनमा “उठाएर” लगिएको “प्रमोदवन”-ले सम्भवतः यी कुरालाई बुझाएको हुन सक्छ: (१) पृथ्वीमा स्थापना हुने प्रमोदवनलाई, (२) त्यसबेला परमेश्‍वरका जनमाझ छाउने आध्यात्मिक वातावरणलाई, जुन अहिलेको आध्यात्मिक वातावरणको तुलनामा अझ व्यापक हुनेछ अनि (३) स्वर्गमा भएको “परमेश्‍वरको प्रमोदवन”-लाई। यो प्रमोदवन र पृथ्वीमा हुने प्रमोदवन नयाँ संसारमा सँगसँगै अस्तित्वमा रहनेछन्‌।