प्रेरित पत्रुसले क्यापडोसियाबारे बताए। आफ्नो पहिलो प्रेरित पत्रमा उनले “क्यापडोसिया . . . मा परदेशी भई बसेकाहरू[लाई]” पनि सम्बोधन गरे। (१ पत्रुस १:१) क्यापडोसिया कस्तो ठाउँ थियो? यहाँका बासिन्दाहरू किन ढुङ्‌गाले कुँदेका घरहरूमा बस्थे? तिनीहरूले कसरी मसीहीधर्मबारे जाने?

सा.यु.पू. दोस्रो शताब्दीसम्ममा क्यापडोसियामा यहूदी बस्तीहरू बस्न थालिसकेको थियो। अनि सा.यु. ३३ मा यस क्षेत्रका यहूदीहरू यरूशलेममा उपस्थित थिए। तिनीहरू त्यहाँ पेन्तिकोसको चाड मनाउन आएका थिए। त्यसैले, पवित्र-आत्मा खन्याइसकिएपछि प्रेरित पत्रुसले क्यापडोसियाली यहूदीहरूलाई प्रचार गरे। (प्रेरित २:१-९) कसै-कसैले उनको सन्देश ग्रहण गरेजस्तो देखिन्छ अनि तिनीहरूले आफूले पाएको नयाँ विश्‍वास आ-आफ्नो घरमा लिएर फर्के। त्यसैले पत्रुसले आफ्नो पहिलो पत्रमा क्यापडोसियाली मसीहीहरूलाई सम्बोधन गरे।