२. (क) यूहन्‍नाले कुन ठूलो चिह्न देख्छन्‌? (ख) यो ठूलो चिह्नको अर्थ कहिले प्रकट गरियो?

^२ यूहन्‍नाले अब एउटा यस्तो ठूलो चिह्न देख्छन्‌ जसले परमेश्‍वरका सेवकहरूका लागि विशेष महत्त्व राख्तछ। यसबाट एउटा रोमाञ्चकारी भविष्यवाणीरूपी दर्शन सुरु हुन्छ। यस दर्शनको अर्थ द वाच टावर-को मार्च १, १९२५-को अङ्‌कमा “राष्ट्रको जन्म” भन्‍ने लेखद्वारा प्रथम पटक प्रकाशित गरिएको थियो। तत्पश्‍चात्‌ १९२६-मा डेलिवरेन्स नामक पुस्तकमा यसको चर्चा फेरि गरिएको थियो। यहोवाको कामलाई अघि बढाउनमा बाइबलको यो ज्योतिर्मय समझ एउटा ऐतिहासिक मोड साबित भयो। अतः अब यो नाटकको वर्णन सुरुदेखि नै हामी यूहन्‍नालाई गर्न दिउँ: “अनि स्वर्गमा एउटा ठूलो चिह्न देखियो, अर्थात्‌ सूर्य पहिरेकी, चन्द्र खुट्टामनि र शिरमा बाह्रवटा ताराको मुकुट लाएकी स्त्री देखियो। त्यो गर्भवती थिई र जन्माउने अवस्थाको पीडामा प्रसव वेदनाले कराउँदी रहिछ।”—प्रकाश १२:१, २.

६. (क) यूहन्‍नाले देखेकी स्त्रीले सूर्य पहिरेकी, खुट्टामनि चन्द्रमा भएकी र ताराहरूको मुकुट लाएकी छन्‌ भन्‍नुको तात्पर्य के हो? (ख) ती गर्भवती स्त्रीको प्रसव वेदना के को प्रतीक हो?

^६ यूहन्‍नाले ती स्त्रीलाई सूर्य पहिरेकी र खुट्टामनि चन्द्रमा राखेकी देख्छन्‌। यसमाथि ताराहरूको मुकुट लगाएपछि त तिनी चारैतिरबाट स्वर्गीय ज्योतिले घेरिएकी हुन्छिन्‌। तिनीमाथि दिन-रात परमेश्‍वरको अनुग्रह चम्कन्छ। तिनी यहोवाको भव्य स्वर्गीय सङ्‌गठनको कति उपयुक्‍त प्रतीक हुन्‌! तिनी गर्भवती पनि छिन्‌। प्रसव वेदनाले तिनी पीडित छिन्‌। तिनले जन्म दिने बेला आइ पुगेको छ। तिनी ईश्‍वरीय मदद माग्दै चिच्याउँछिन्‌। बाइबलमा प्रसव वेदनाले अक्सर कुनै महत्त्वपूर्ण परिणामका लागि गर्नु पर्ने कडा मेहनतलाई चित्रित गर्छ। (भजन ९०:२; हितोपदेश २५:२३; यशैया ६६:७, ८-सित तुलना गर्नुहोस्‌।) यहोवाको स्वर्गीय सङ्‌गठनले यो ऐतिहासिक जन्मका लागि तरखर गर्दा यसप्रकारका प्रसव वेदनाहरू निःसन्देह अनुभव गरिएको थियो।