३. पत्रिकाहरू जोडी मिलाएर दिनुको फाइदा के हो?

^३ जोडी मिलाएर दिनुहोस्‌: माथिका उदाहरणहरूले देखाएझैं हाम्रा पत्रिकाहरू कसले पढ्‌नेछन्‌ वा कुन कुराले तिनीहरूको चासो जगाउन सक्छ भनेर हामीलाई थाह छैन। (उप. ११:६) त्यसकारण हामीले साधारणतया आफ्नो प्रस्तुतिमा एउटा पत्रिकालाई मात्र जोड दिने भए तापनि प्रहरीधरहरा र ब्यूँझनुहोस्‌! दुवैको जोडी मिलाएर दिनु लाभकारी हुन्छ। कुनै-कुनै अवस्थामा भने विभिन्‍न अंकहरू एकै चोटि प्रस्तुत गर्नु उचित हुन सक्छ।

४. पत्रिका वितरण कार्यको लागि हामी कसरी तालिका मिलाउन सक्छौं?

^४ हरेक हप्ताको एक दिन पत्रिका वितरणको लागि छुट्याउनु बेस हो। सन्‌ २००५ क्यालेन्डर अफ जेहोभाज्‌ विट्‌नेसेज्‌-मा हरेक शनिबार “पत्रिका दिन” भनेर छुट्याइएको छ। हुन त, स्थानीय वा व्यक्‍तिगत परिस्थिति फरक-फरक हुने हुँदा कसै-कसैले यी पत्रिकाहरू वितरणको लागि अर्कै दिन छुट्याउन सक्छन्‌। के पत्रिका वितरण कार्यमा भाग लिनु तपाईंको साप्ताहिक तालिकाको भाग भएको छ?

५. पत्रिकाहरू वितरण गर्ने कस्ता मौकाप्रति हामी सजग हुनुपर्छ र यसो गर्न हामी कसरी मदत पाउन सक्छौं?

^५ व्यक्‍तिगत लक्ष्य निर्धारण गर्नुहोस्‌: महिनामा कतिवटा पत्रिका वितरण गर्ने भनेर व्यक्‍तिगत लक्ष्य राख्दा पत्रिकाहरू सदुपयोग गर्न हामी सजग हुन सक्छौं। के तपाईंको आफ्नो पत्रिका रूट छ? सेवकाईमा भेट्‌ने व्यक्‍तिहरूलाई के तपाईं पत्रिका दिनुहुन्छ? सडक साक्षी दिंदा, व्यापारिक इलाकामा र सार्वजनिक इलाकामा पत्रिका दिन सक्नुहुन्छ कि? यात्रा गर्दा, किनमेल गर्न जाँदा र कसैलाई भेट्‌न जाँदा के तपाईं आफूसित पत्रिकाहरू लैजानुहुन्छ? प्रहरीधरहरा र ब्यूँझनुहोस्‌!-बाट लाभ उठाउन अरूलाई मदत दिनको लागि हरेक उचित मौकाको सदुपयोग गर्नुहोस्‌।

६. पत्रिकाका पुराना अंकहरूको हामी कसरी सदुपयोग गर्न सक्छौं?

^६ आफूसित भएका पुराना अंकहरू वितरण गर्ने पनि हाम्रो लक्ष्य बनाउन सक्छौं। पत्रिकाहरूको अंक मितिको एक दुई महिनाभित्रै वितरण गर्न सकिएन भने तापनि त्यसमा भएको जानकारीको महत्त्व घट्‌दैन। जिज्ञासु व्यक्‍तिहरूलाई ती पत्रिकाहरू दिनुहोस्‌। लाखौं मानिसहरूका लागि प्रहरीधरहरा र ब्यूँझनुहोस्‌! पत्रिकाहरू “ठीक बेलामा भनेको ठीक कुरा” साबित भएका छन्‌। (हितो. २५:११) अरू लाखौंलाई यहोवालाई चिन्‍न र उहाँको सेवा गर्ने मदत दिनका लागि यी पत्रिकाहरू चलाऔं।

पत्रिकाहरूबारे के भन्‍ने

प्रहरीधरहरा फेब्रु. १५

“कहिलेकाहीं हामी कतै चमत्कार भयो भनी दाबी गरिएका रिपोर्टहरू सुन्छौं। [एउटा उदाहरण बताउनुहोस्‌।] कसै-कसैले यस्ता रिपोर्टहरू पत्याउँछन्‌। अरूले भने शङ्‌का गर्छन्‌। यस पत्रिकाले बाइबलमा रिपोर्ट गरिएका चमत्कारहरू साँच्चै भएका थिए कि थिएनन्‌ अनि आज त्यस्ता कुराहरू हुन्छन्‌ कि हुँदैनन्‌ भनेर केलाउँछ।” यर्मिया ३२:२१ पढ्‌नुहोस्‌।

ब्यूँझनुहोस्‌! फेब्रु. ८

“हामी सबै असल साथीहरू बनाउन चाहन्छौं। शास्त्रपदहरूले हामीलाई साथी छान्दा होसियार हुन प्रोत्साहन दिन्छ। [हितोपदेश १३:२० पढ्‌नुहोस्‌ र छलफल गर्नुहोस्‌।] असल र खराब साथीबीच भिन्‍नता छुट्याउन हामीलाई कुन कुराले मदत गर्नेछ? [जवाफ दिने मौका दिनुहोस्‌ अनि पृष्ठ ८ को लेख देखाउनुहोस्‌।] असल साथी छान्‍नको लागि यस लेखले मदतकारी सुझावहरू दिन्छ।”

प्रहरीधरहरा मार्च १

सबैले यो सल्लाह पालन गऱ्‍यो भने के तपाईंलाई यो संसार राम्रो हुनेछ जस्तो लाग्छ? [रोमी १२:१७, १८ पढ्‌नुहोस्‌। त्यसपछि जवाफ दिने मौका दिनुहोस्‌।] दुःखको कुरा, कहिलेकाहीं व्यक्‍तिगत मतभेदहरू हुन्छन्‌। यस पत्रिकाले बाइबलको सल्लाह पालन गर्दा कसरी मतभेद सुल्झाउन र शान्ति कायम गर्न सकिन्छ भनेर देखाउँछ।”

ब्यूँझनुहोस्‌! मार्च ८

पुरातन समयमा परमेश्‍वरले छोराछोरीलाई आफ्ना बुबा र आमाको आदर गर भन्‍ने आज्ञा दिनुभएको थियो। [प्रस्थान २०:१२ पढ्‌नुहोस्‌।] के तपाईंलाई अहिले आमाहरूलाई उचित आदर दिइन्छ जस्तो लाग्छ? [जवाफ दिने मौका दिनुहोस्‌।] यस पत्रिकाले विभिन्‍न मुलुकका आमाहरूले सामना गर्ने चुनौतीहरू र तिनीहरूले कसरी सफलता हासिल गरिरहेका छन्‌ भनेर केलाउँछ।”