अघि बढ, राज्यका सेवक हो!

१. सुनाउँदै जाऊ राज्यको सन्देश,

सब जाति र मुलुकलाई।

प्रेम गर्दै छिमेकीलाई मनमा,

देऊ सन्देश ती सोझालाई।

या’को सेवा नै हाम्रो सम्मान्‌;

गर्नेछौं खुसीले यो काम।

सुनाई रहौं है राज्य सन्देश;

पारौं पवित्र उनको नाम।

२. वफादार सेवक अघि बढौं;

ध्यान राखी पुरस्कारलाई।

चोखो अनि वफादार मनले,

पछ्याऔं येशू ख्रीष्टलाई।

सुन्‍नु जरुरी छ सबैले,

राज्य सन्देश यहोवाको।

प्रचार गर्छौं उनैको भरमा,

मूल उनी हाम्रो साहसको!

३. मिलीजुली बढौं अगाडि,

शेष जन अनि ठूलो भीड।

बालक वृद्ध र नर नारी,

सत्य नै हो यिनको रीत।

सेवा यो हाम्रो छ पवित्र,

बोझिलो ठान्दैनौं कैल्यै।

असल आचरण राखी बन्छौं,

या’को अमूल्य मोतीझैं।