गीत ७
यहोवा हाम्रा बल
१. दयालु यहोवा हाम्रा बल हौ;
उद्धारक प्रभु तिमीमै रम्छौँ।
तिम्रो सन्देश बोक्ने साक्षी हामी;
मानिसले सुने या नसुने नि।
(कोरस)
यहोवा हाम्रा चट्टान र बल हौ।
दिनरात तिम्रो त्यो नाउँ फैलाउँछौँ।
महिमित याह, सर्वोच्च शक्ति,
हाम्रा किल्ला, हाम्रा शरण तिमी।
२. सेवक हौँ तिम्रो ज्योतिमा रम्छौँ;
अब न्याय र सत्य देख्नेछौँ।
पाउँछौँ वचनमा तिम्रा ती आज्ञा;
राज्यको पक्षमा छौँ है खडा।
(कोरस)
यहोवा हाम्रा चट्टान र बल हौ।
दिनरात तिम्रो त्यो नाउँ फैलाउँछौँ।
महिमित याह, सर्वोच्च शक्ति,
हाम्रा किल्ला, हाम्रा शरण तिमी।
३. गर्नेछौँ तिम्रो इच्छा खुसीले;
अटल छौँ, खिसी गरोस् सैतानले।
हाम्रो जीवन नै त्यसले लैजाला;
त्याग्नेछैनौँ तिम्रो प्रभुसत्ता।
(कोरस)
यहोवा हाम्रा चट्टान र बल हौ।
दिनरात तिम्रो त्यो नाउँ फैलाउँछौँ।
महिमित याह, सर्वोच्च शक्ति,
हाम्रा किल्ला, हाम्रा शरण तिमी।
(२ समु. २२:३; भज. १८:२; यसै. ४३:१२ पनि हेर्नुहोस्)