क्षमा दिने गरौँ!

१. मायालु याहले

पठाए छोरा आफ्नो;

पापको क्षमा गर्न

अनि जड उखेल्न मृत्युको।

साँचो पश्‍चात्ताप गरेमा

पाउनेछौँ क्षमा पापको;

बलिदान ख्रिष्टको सम्झँदै

नाम लिएमा उनैको।

२. पाउनेछौँ है दया

याहको सिको गरेमा,

दया र माया देखाउँदै

सबलाई क्षमा गरेमा,

सहँदै सधैँ अरूलाई

तीतोपना फालेमा,

आदर गर्दै भाइबैनीलाई

अटुट प्रेम देखाएमा।

३. सिकौँ हामी सबै

कृपालु हुन सधैँ।

इबी र रिस हुनेछैन

न हुनेछ घृणा नै।

अटुट प्रेमका खानी याहको

गर्दा जीवनमा सिको,

हुनेछौँ साँच्चै क्षमाशील

हुनेछौँ याहजस्तो।