Nge Kore Yeno So Eje Di Ri Pon’o Re Hna Ue?

Madaru hna atakoni o re nodei thu ru nia, ka hna awarumani Noa ne hnameneng ni nubon. Genese 7:11, 12, 23

Hna el 40 kore ran ne 40 kore rid, ka o re tini hna tha kuie o re ten’ o re aw. Ha tango kore nodei thu ru nia.

Nodei angela thu icatac hna nuebot’ o re hnengom ni buic ha ile me nodei demoni di.

Noa ne hnameneng ni nubon ha waruma ri hnoren’ o re ak. Acala kore ta ezien, ile i Noa ne hnamenge ni nubon me tangolu, roi di Madaru co aroini buice lo yawe ha thu iara waruma ko.

Madaru ha co atakoni yawe o re nodei ngom me nia, ka co awarumani o re nodei ngom me roi. Mataio 24:37-39

Satana ne nodei demoni ci iara amenuni ko o re ngom.

Ezien onom, inom koda ri ezien ni Noa, hmaiai kore nodei ngom ci kecon’ o re nodei hna anetitini me roi ni Iehova. Ka roidi ha ibetu Iehova co atakonibot’ o re thu ru nia.​—2 Peteru 2:5, 6.

Osoten inom i Noa. Buic ci ninen’ o Madaru, ne ci rue o re alaton ni Nebunengo; buic nodei Témoins ni Iehova.