La Kei Iesu?

Iehova hna siato Iesu lu ri ten’ o re aw. 1 Ioane 4:9

Ngei eje ci alan co aopodoneni Iehova, ekowe ke eje co ninene te o re ngom me nidi ac. Iehova hna puze hnadan o se uien me nen hmeloi ri aw. Nidi thubenelo’ melei, ile Nubonengo me puli Adamu.

Ma iwe jiad kore ezien ile i Iehova me sia nubonelu ha thu co hnapo nubon i Bethelem lene sen’ o re cenew gupa yelen Maria. Iesu ko re yelen’ o re tenen me aicahman.—Ioane 6:38.

Ma ngomebot ome ri ten’ o re aw, ile i Iesu me ie ahngane di o re pengen me netit ni Madaru. Nubon lata me roi, thu ran ne thu icadew. Nubon deko hna pareu co ininatan’ o soten’ o re seseko ri poni Iehova.

Iesu hna rue o re roi, roidi hna keco Nubonengo. 1 Peteru 2:21-24

Nodei toka no re hmi hna hnetho Iesu wen’ o re Nubonengo hna ie ahngan’ o re nodei ininata me waiao, ne il’ o re nodei lata me kogo ni buic.

Iesu hna aroini joko o re nodei ued, ne hna aroini lo osoten ma ha tango.

Nodei toka no re hmi hna asisini si Rome ha thu co ridi ne co atangoni Iesu.