Nge Kore Kakailen’o Re Taeto Ni Iesu Du Buhnije?

Iesu hna taeto ha thu co waruma ke eje. Ioane 3:16

Thubenelo o re ade ran me theri, il’ o re mohmenew me pina co rowon’ o re ta pua ni Iesu, roi di ha tako kore hneiwa ni Nubonengo. Iehova ha hna apucani Iesu lo sere ri tango.

Ma tuilu, ile i Iesu me ahngabot du nodei aposetolo.

Seseko, Iehova ha hna aroini Iesu lo sere ri tango ha ile me uien me nen, ka ha tha thu tango ko. Re kokonien ni Iesu hna ule Nubonengo ci erelo jeu’ o re aw.

Madaru hna aroini Iesu lo ne hna ure Nubonengo co Doku no re Baselaia. Daniela 7:13, 14

Iesu hna kanon’ o re ci roi ni Nubonengo bane itico waruma son’ o re ngom. (Mataio 20:28) Ile me ekowe du Madaru, co thue eje o re waruma tha thu aseko.

Iehova ha hna ure Iesu bane Doku co musion’ o re ten’ o re aw. Wane handede foti foa thausane kore nodei ngom hmijoc co erelo jeu’ o re aw ha thu mune sese ne Nubonengo. Ilei Iesu ne il’ o re 144 000 co sereti o re ne musi ri aw—on’ o re Baselaia ni Madaru.—Ahngabot 14:1-3.

Ka o re Baselaia ni Madaru co akaruiani o re ten’ o re aw ha thu co paradais. Irue, kucokuco, deko ac, dongo, ha co tako. Nodei ngom ileoden ha co nidi hnahneon.—Ta Salamo 145:16.