Co Korione Co Yenon’ o Re Tei Hmengo

Hnei Iehova hna ane ceden’ o re fami. Ile Nubonengo me ujeni cecene ne hmaiene co hian’ o re ta tei bushengon. (Kolose 3:20) Hnapani hmengo parent co ininatan’o re tei hmengo ha thu co hnoro Iehova. Ile bone co hmalo ka co roi. (2 Timothi 1:5; 3:15) Tei hmengo co numu ci cara jewe hnen’ o re ci taedengi hmengo ci nengoc. Ke tu ni hmengo ko re nidi ac. Thuni ke hmengo co nidi yeno bone ri lene ni Iehova ngei hmengo me ane Nubonengo ri hnore ni hmengo ko.—Ta Salamo 40:8.

1 KONEKATU RE TEI HMENGOLO THU DEKO CO PAREU CO NENGOC DU HMENGO

CI IE KO NGE KEI TUSI HMIJOC: “Co ibetu co taedengi, ka co kurehmuge co nengoc.” (Iakobo 1:19) Hmengo ci alane ko re tei hmengo deko co pareu co enengoco ne hmengo. Bone co cara jewe ko hmengo ha melei co taedengi o re bone ci alane co ie. Therelo thu co deko se ace co akedini bone co nengoc. (Iakobo 3:18) Ka bone ma ule ko hmengo nidi tace ne ci iara ilo bon, deko sa ke bone co ie ahngane o re ta uane bon. Etha natalo ne bone ne ielo du bone ko hmengo ci hnoro bon.—Mataio 3:17; 1 Korinito 8:1.

NGE KO RE HMENGO THUNI CO RUE:

• Co melei ke hmengo ngei re tei hmengo me ci alane co enengoco

• Acidanelo co etha nata ne re tei hmengo. Deko co etha nata so ne buice ma numu ta lor

2 TUBUHNID CO CARA JEWE O RE BUICE CI ALANE CO IE

CI IE KO NGE KEI TUSI HMIJOC: “Nubon’ o re thu taedengi o re eberedo co one roi.” (Ta Onatre 16:20) Ri se ta eziene pani hmengo co there o re uane ri hnore ni re tei hmengo. Ile hmengo co cara jewe o re ta nidi enengoco ni buic. Ri se ta eziene, warangi ci nengoce lae kan. Ka ci ie joko ta enengoco buice me deko ma uan. “Nubon’ o re thu cedi be deko hna taedengi, omelei lata me one ne hnana du nubon.” (Ta Onatre 18:13) Deko co ibetu co cenge nia.—Ta Onatre 19:11.

NGE KO RE HMENGO THUNI CO RUE:

• Hage akedini buice co nengoc, kacene buice ci ie o re ta enengoco ci ajoni hmengo

• Hage hneduhngone ko hmengo hna inomelei hoda

3 HMENGO CO SA SO KO RE UANE

CI IE KO NGE KEI TUSI HMIJOC: “Taedengilu, ca tenego, o re ci ininata kei ceceni nubo, ka hage nuacil’ o re ta gone wenei hmani nubo.” (Ta Onatre 1:8) Iehova ha hna kanon’ o re musi du cecene ne hmaiene ri pon’ o re re tei bushengon. Hmengo co yenon’ o re re tei hmengo co pareu ne co nineno hmengo. (Efeso 6:1-3) O re re tei hmengo ngei co cara jewe ko hmengo deko ma “nidi salu so ko re hnore ni buhnije ne il’ o re uane ni buhnij.” (1 Korinito 1:10) Ka ngei hmengo me deko ma inomelei, deko co isesero ri tadani buic. Wen’ o re buice ha deko co pareu o hmengo.

NGE KO RE HMENGO THUNI CO RUE:

• Rue enengocolo ne etaedengiolo ngei ma co begil’ o re re tei hmengo

• Hmengo ngei ha co numu etha uane ma co ininatan’ o re re tei hmengo. Dai ule seson’ o re etha uane hmengo

4 TA ACE HNA SI BANE HUE LEWE

CI IE KO NGE KEI TUSI HMIJOC: “Yenonelo o re morowe ri lene nubone co huon.” (Ta Onatre 22:6) Co numu tharane ko re co hian’ o re tei hmengo. Deko co uane ko co inomelei, ngei me deko hna tace ti. Ekowe ke hmengo co hue lewe o re ta ace hna si. Ininata bone ne begi bone be ezien. (Ta Salamo 127:4; Ta Onatre 29:17) O re ci begil deko ma co puni o buice so. Ke ci konekatu buice co cara jewe o re tane hmengo ci ane gon. (Ta Onatre 28:7) Ome te, yeno bone lo co hnoron’ o re Eberedo ni Iehova ne co ule kacen’o re nodei hna anetitini so bon. (Ta Salamo 1:2) Koiko, bone ha co ule kacen’ o re roi ne il’ o re nia.—Hebera 5:14.

NGE KO RE HMENGO THUNI CO RUE:

• Ule roione ko o re tei hmengo ci ule Madaru inom’ o se ngome bone thuni co etha nata ne il. Inomelei, bone thuni co une jewe

• Konekatu bonelo co ulekacen’ o re ta ace me tho me thu nia bon. Soten’ o re ta nia omelei ile ri Internet ne ta reseaux sociaux. Auaneni bone ri pon’o re ta ngome thu nia ngom