OSHITOPOLWA 6

Oshike tatu ilongo kombinga yEyelu Enene lyaNoowa?

Kalunga okwa li a hanagula po aakolokoshi, ihe okwa hupitha Noowa nuukwanegumbo we. Genesis 7:11, 12, 23

Onguluwato oya kaama kombanda yomeya, aantu aakolokoshi oya si komeya, naayengeli aatangalali oya thigi po omalutu gawo gopanyama

Omvula oya puuka noya loko omasiku 40, omutenya nuusiku, nomeya oga siikile evi alihe. Aantu ayehe aakolokoshi oya sile momeya.

Aayengeli aanashipotha oya lundulukile ishewe momalutu gawo gopambepo e taya ningi oompwidhuli.

Noowa nuukwanegumbo we nosho wo iinamweyo taya zi mo monguluwato nuutamvula wu li kegulu

Mboka ya li monguluwato oya hupithwa. Nonando lwanima Noowa nuukwanegumbo we oya ka sa, Kalunga ote ke ya yumudha opo ya ka kale nomwenyo sigo aluhe.

Kalunga ota ka hanagula po ishewe aakolokoshi nota ka hupitha aayuuki. Mateus 24:37-39

Satana noompwidhuli dhe ohaya longitha omikalo dhi ili nodhi ili ya pukithe aantu

Satana noompwidhuli dhe otaya tsikile nokupukitha aantu.

Aantu oyendji kunena kaye na ko nasha newiliko lyaJehova lyopahole, oya fa owala aantu yopethimbo lyaNoowa. Masiku Jehova ota ka hanagula po aakolokoshi ayehe.—2 Petrus 2:5, 6.

Oonzapo dhaJehova tadhi longitha Ombiimbeli dhi uvithile omulumentu; omulumentu ta lesha Ombiimbeli

Opu na aantu mboka ya fa Noowa, haya pulakene kuKalunga nohaya longo shoka ta ti. Aantu mboka Oonzapo dhaJehova..