Efalomo lyoshitopolwa oshi-14

Aakriste yopetameko oya li ya taandelitha onkundana ombwanawa yUukwaniilwa miilongo ayihe. Jesus okwa li e ya wilike ya mone mpoka ye na okuuvitha nokwa li e ya kwathele pashikumithalonga, ya longe aantu momalaka ngoka ya yama. Jehova okwa li e ya pe uulaadhi noonkondo yi idhidhimikile omahepeko omanene.

Jesus okwa li u ulukile omuyapostoli Johannes emoniko li na ko nasha neadhimo lyaJehova. Memoniko lilwe Johannes okwa mono Uukwaniilwa womegulu wa sindi Satana e tawu hulitha po epangelo lye sigo aluhe. Okwa mono Jesus ta pangele e li Omukwaniilwa, naantu 144 000 taya pangele pamwe naye. Okwa mono wo evi lya ninga oparadisa moka aantu ayehe taya longele Jehova ye na ombili noya hangana.