Esiku ndyoka li na okudhimbulukiwa

ONGULOHI manga Jesus Kristus inaa sa, okwa gandja oshikwiila inaashi ya ontaku nosho wo oshitenga shomaviinu omatiligane kaayapostoli ye nokwe ya lombwele ya lye noya nwe. Okwe ya lombwele wo a ti: “Shino kaleni tamu shi ningi okudhimbulukwa ndje.”—Lukas 22:19, NW.

Omvula ndjino edhimbuluko lyoshiningwanima shika otali ka kala ko mOsoondaha, 4 Apilili, konima yeningino lyetango. Oonzapo dhaJehova muuyuni auhe otadhi ka gongala ongulohi ndjika okudhana Edhimbuluko ndyoka momukalo moka Jesus a ti shi ningwe. Oto hiwa nomutima aguhe u gongale pamwe nadho. Pula Oonzapo dhaJehova dhopune kutya okugongala huka kwi ikalekelwa otaku ka ningilwa peni nopongapi.