Ehiyo lyokuya koshipopiwa shi ikalekelwa

Oto vulu okukala u uvite wa gamenwa muuyuni mbuka wu udha omaupyakadhi

Oshipopiwa shika sha kankamena kOmbiimbeli otashi ka gandjwa muuyuni auhe miilongo yi vulithe po 230. Momahala ogendji, oshipopiwa shika otashi ka gandjwa mOsoondaha, mo 15 Apilili 2007. Oto ki ilonga mo shike? Tala kiiholelwa tayi landula:

Oshike sha ningitha aantu omamiliyona omayovi muuyuni ya kale ye uvite inaaya gamenwa?

Okuza uunake naanaa aantu ya kala ye uvite inaaya gamenwa?

Openi nongiini egameno lyashili tali vulu okumonika?

Omayamukulo oto ke ga mona ngele to kala poshipopiwa shika sha simana sha kankamena kOmbiimbeli shoka tashi ka gandjwa momahala omayovi. Pomahala ogendji, otashi ka gandjelwa pOshinyanga shUukwaniilwa shOonzapo dhaJehova. Oonzapo dhomoshitopolwa sheni otadhi ka kala dha nyanyukwa oku ku lombwela ethimbo nehala mpoka tashi ka ningilwa. Otatu ku hiya nomutima aguhe u ye u kale poshipopiwa shika sha kankamena kOmbiimbeli shi li pethimbo notashi tsu omukumo.