Oonkundana dhopauteokratika

◼ Otwa nyanyukwa oku mu tseyithila iitsa yopombanda yaauvithi muBotswana, Lesoto, Namibia, South Africa nomuSwazi yomuAuguste 2007. Oshitsa shopombanda shaauvithi yomuBotswana osha li 1 719 shoka shi li eindjipalo lyoopelesenda 15. MuLesoto omwa li mu na aauvithi 3 378, eindjipalo lyoopelesenda 9. MuNamibia omwa li mu na aauvithi 1 545, eindjipalo lya dhenga mbanda lyoopelesenda 22. Aauvithi yomuSouth Africa oya li ya adha oshitsa shopombanda sho 81 501, shoka sha li oshikando shotango ya konda paauvithi 80 000, omanga aauvithi muSwazi oya li ya adha oshitsa shopombanda sho 2 579, eindjipalo lyoopelesenda 13.

Ehangano otali pandula unene iilonga yuudhiginini yomomapya yaauvithi ayehe. Tangi unene sho hamu gandja oolopota dheni dhiilonga yomomapya pethimbo omwedhi kehe. Shika ohashi kwathele amushanga a vule okutuma olopota yi ihwa po yegongalo koshitayimbelewa.