Elandulafano lOkwoongala kwoPailonga
Oshivike sho 14 Januali
Eimbilo 41
Ominute 10: Omashiivifo eongalo. Omashiivifo a hoololwa mokafo Uukalele Wetu wUukwanilwa. Unganeka pa ningwe euliko li na sha nanghee Oshungonangelo ye 1 Januali nosho yo Awake! ye 1 Januali tai dulu okuyandjwa. Longifa omaetepo oo e li pepandja eti-8 lokafo aka ile omatwalemo amwe e lili oo taa wapalele moshitukulwa sheni.
Ominute 15: “Longitha nawa ethimbo ndyoka wu li muukalele.”* Pulapula omumwatate oo e li omunekeka mokukwatela komesho elongekido lokuya moilonga yomomapya. Mu pula kutya ohe lilongekida ngahelipi opo a dule okukwatela komesho elongekido lokuya momapya nokuladipika ovaudifi va longe efimbo lihapu moukalele.
Ominute 20: “Oohapu dheni nadhi kale aluhe . . . dha toyala omongwa.”* Pokatendo okati-2, lesha Johannes 4:7-15, 39.
Eimbilo 85
Oshivike sho 21 Januali
Eimbilo 215
Ominute 10: Omashiivifo eongalo. Eenghundana dopauteokratika. Shiivifa oshileshomwa osho tashi ka yandjwa muFebruali, na unganeka pa ningwe euliko li na sha nanghee oshileshomwa osho tashi dulu okuyandja. Ladipika aveshe va tale okavidio Transfusion-Alternative Health Care—Meeting Patient Needs and Rights opo ve lilongekidile oshitukulwa shomapulo nomanyamukulo, osho tashi ka kala mOkwoongala kwOpailonga moshivike sho 4 Februali.
Ominute 10: Mbela oho longifa ngoo okambo Konakona Omishangwa keshe efiku? Oshipopiwa neenghundafana novapwilikini. Osha kanghamena ketwalemo lokambo Konakona Omishangwa keshe efiku — 2008. Kundafana kombinga yefimano lokulitulila po efimbo lokulesha omushangwa wefiku keshe nokomenda yao. Pula ovapwilikini kutya otave shi endifa ngahelipi nouwa ulipi hava mono. Oto dulu okupula omuudifi ile ovaudifi vavali komesho yefimbo va kale ve lilongekida okuyandja omilombo davo. Divilika pauxupi omushangwa womudo 2008.
Ominute 25: ‘Uvitha nawa onkundana ombwanawa.’* (Okatendo 1-10) Oshitukulwa eshi oshi na okupewa omupashukili woilonga. Pulapula omuudifi umwe ile vavali ovo va li va kufa oukwafelikokolindjila omudo wa ya nonande ove na omalipyakidilo mahapu ile ounghundi wonhumba wopalutu. Ove shi enda ngahelipi? Ova mona oidjemo ihafifa ilipi? Pokatendo okati-7, ninga omashiivifo e na sha nomalongekido a wedwa po e na sha noilonga yomomapya momwedi Marsa, Aprili naMei.
Eimbilo 177
Oshivike sho 28 Januali
Eimbilo 52
Ominute 10: Omashiivifo eongalo. Dimbulukifa ovaudifi va yandje eelaporta davo doilonga yomomapya daJanuali. Lesha omushangwahokololo welongifo loimaliwa nosho yo omukanda wedimino li na sha nomayambidido oo hau di koshitaimbelewa. Kundafana kombinga yOshungonangelo ye 1 Februali nosho yo o-Awake! yaFebruali. Konima yokungonga pauxupi kombinga yoshikalimo shoifo oyo, pula ovapwilikini kutya oitukulwa ilipi yoifo oyo ve wete tai ka kala ihokwifa unene kovanhu moukalele nomolwashike tava diladila ngaho. Va pula va popye oitwa yokondadalunde oyo tava diladila oku ka longifa moukalele. Omapulo elipi va diladila okupula opo va hovele eenghundafana novanhu? Ova diladila oku ka longifa omishangwa dilipi odo tadi hangwa moifo oyo? Otava ka kwatakanifa ngahelipi omishangwa odo noshitukulwa omo di li? Unganeka pa ningwe euliko li na sha nanghee oshifo keshe tashi dulu okuyandjwa, to longifa omaetepo oo e li pepandja eti-8.
Ominute 20: ‘Uvitha nawa onkundana ombwanawa.’* (Okatendo 11-17) Pokatendo 14, keshe umwe na pewe okopi yokafo keshivo le likalekelwa lokushiva ovanhu kedimbuluko, ngeenge oufo ovo ova fika. Ninga omashiivifo e na sha nomalongekido okushiva ovanhu moshitukulwa sheni.
Ominute 15: “Kwafela ovakonakonimbibeli va ninge ovaudifi vonghundana iwa yOuhamba.”* Pula ovapwilikini va tye sha kombinga yomishangwa odo inadi tofwa mo, ngeenge efimbo otali shi pitike.
Eimbilo 22
Oshivike sho 4 Februali
Eimbilo 161
Ominute 10: Omashiivifo eongalo. Kundafana yo epulo olo li li mOshimhungu shomapulo.
Ominute 10: Eemhumbwe deongalo.
Ominute 25: “Mbela oto ongaonga okuyadeka okakalata koye ko-DPA?” Oshipopiwa eshi oshi na okuyandjwa komukulunhuongalo. Konima yetwalemo li li pauxupi, pula omapulo oo e na sha nokavidio Patient Needs and Rights, oo e li mokafo aka koukalele. Pexulilo, lesha okatendo kaxuuninwa nokuladipika aveshe va endulule vali oshitukulwa shOshungonangelo nosho yo shomokafo koukalele kOshiingilisha. Yelifa shi na sha nanghee ovo inava yadeka natango okakalata ko-DPA tava dulu okulongifa oimhungu oyo i li mokawedwapo oko ke li mokafo koukalele kOshiingilisha kaJanuali 2007 opo va ninge omatokolo avo vene shi na sha noutukulwa vanininini ovo va kufwa mohonde nosho yo eenghedi dopauhaku; opo nee tava yadeke nawa oukalata vavo vo-DPA. Ovo va yadifa nale oukalata vavo vo-DPA otashi dulika va hala okutalulula omahoololo avo nokuyadeka oukalata vape ngeenge ove wete sha pumbiwa.
Eimbilo 4
* Ngeenge oshipopiwa shoye oshi na edidiliko olo lokanyofi, osha hala okutya etwalemo loye oli na okuningwa meni lomunute umwe, opo nee to hovele eenghundafana domapulo nomanyumuko.