Elandulafano lOkwoongala kwoPailonga

Oshivike osho tashi hovele no 11 Februali

Eimbilo 168

Ominute 10: Omashiivifo eongalo. Unganeka pa ningwe euliko li na sha nanghee Oshungonangelo ye 1 Februali nosho yo o-Awake! yaFebruali tai dulu okuyandjwa. Longifa omaetepo oo e li pepandja eti-8 lokafo aka ile omatwalemo amwe e lili oo taa wapalele moshitukulwa sheni.

Ominute 15: Mbela oto dulu oku ka longa koshitukulwa oko ku na omhumbwe inene? Oshipopiwa neenghundafana novapwilikini de likolelela kOshungonangelo ye 1 Auguste 2003, epandja 20 (yOshiingilisha, 15 Juli 2003, epandja  20). Kwatela mo omatyekosha e likolelela kembo Organized, epandja 111, okatendo 1, fiyo epandja 112, okatendo 1. Pulaapula pauxupi omuudifi oo a tembukila koima oko ku na omhumbwe. Omashongo elipi a shakeneka, nongahelipi a li a ungaunga nao nomupondo? Omanangeko noupuna elipi a mona?

Ominute 20: Kwafela ovakalele vape va ninge exumokomesho. Konima eshi wa ninga etwalemo meni lomunute umwe, ninga eenghundafana domapulo nomanyamukulo de likolelela kOshungonangelo ye 1 Desemba 2005, epandja 31 (yOshiingilisha, 1 Desemba 2005, epandja 31). Longifa omapulo outendo oo e li mOshungonangelo. Konima yokukundafana okatendo 18, napa ningwe euliko omo omuudifi mupe ta longo pamwe nomuudifi a pyokoka. Omuneumbo okwa kangheka eenghundafana nomuudifi oo mupe. Omuudifi okwa kendabala okutomhafana nomuneumbo, ndele okwa nyengwa oku mu tomha. Konima eshi va fiya po eumbo olo, omuudifi oo a pyokoka na pandule omuudifi oo mupe omolweenghendabala daye. Opo nee na ulikile omuudifi oo mupe nghee ta dulu okulongifa embo Reasoning opo a dule oku ka tomhafana nomupondo novanhu ovo ve hole okukangheka eenghundafana moukalele.

Eimbilo 50

Oshivike osho tashi hovele no 18 Februali

Eimbilo 17

Ominute 10: Omashiivifo eongalo. Omashiivifo oo a hoololwa mokafo aka kUukalele Wetu wUukwanilwa.

Ominute 10: Eemhumbwe deongalo.

Ominute 25: “Oumbangi oo tau ulike kutya otu na eitavelo.”* Oshitukulwa eshi oshi na okupewa omupashukili woilonga meongalo. Xulifa nomatyekosha taa tungu e na sha nanghee eongalo leni le shi endifa momudo woilonga wa dja ko.

Eimbilo 194

Oshivike osho tashi hovele no 25 Februali

Eimbilo 81

Ominute 10: Omashiivifo eongalo. Eenghundana dopauteokratika. Dimbulukifa ovaudifi va yandje eelaporta davo doilonga yomomapya daFebruali. Lesha omushangwahokololo welongifo loimaliwa nosho yo omukanda wedimino li na sha nomayambidido oo wa dja koshitaimbelewa. Unganeka pa ningwe euliko li na sha nanghee hatu dulu okushiva ovapambele ile ovashiinda shetu kEdimbuluko hatu longifa okafo kokushiva.

Ominute 20: “Natu dimbulukweni ekuliloyambo laJesus nolupandu.”* Ngeenge efimbo otali shi pitike, pula ovapwilikini va ninge omatyekosha avo shi na sha nomishangwa odo da etwa mo ndele inadi tofwa mo.

Ominute 15: Lilongekidila oku ka yandja oifo oyo opo ya piti. Eenghundafana novapwilikini de likolelela kOshungonangelo ye 1 Marsa no-Awake! yaMarsa. Konima yokungonga pauxupi kombinga yoshikalimo shoifo oyo, pula ovapwilikini kutya oitukulwa ilipi yoifo oyo ve wete tai ka kala ihokwifa unene kovanhu moukalele nomolwashike tava diladila ngaho. Va pula va popye oitwa yokondadalunde oyo tava diladila oku ka longifa moukalele. Omapulo elipi va diladila oku ka pula opo va hovele eenghundafana novanhu? Ova diladila oku ka longifa omishangwa dilipi odo tadi hangwa moitukulwa yoifo oyo? Unganeka pa ningwe euliko li na sha nanghee oshifo keshe tashi dulu okuyandjwa, to longifa omaetepo oo e li pepandja eti-8.

Eimbilo 119

Oshivike osho tashi hovele no 3 Marsa

Eimbilo 223

Ominute 10: Omashiivifo eongalo. Endulula oitwa ya fimanenena oyo tai hangwa moshimhungu shi na oshipalanyole: “Omadimbulukifo e na sha nEdimbuluko.”

Ominute 20: Mbela ito dulu okuhovela ekonakonombibeli muMarsa? Eenghundafana novapwilikini. MuMarsa ohatu ka yandja embo Ombibeli otai hongo nelalakano lokuhovela omakonakonombibeli. Tumbula omaukwatya amwe a tongomana embo olo. Kundafana kombinga yanghee tali dulu okuyandjwa ngeenge hatu shuna kwaavo va li va ulika ohokwe eshi twa li hatu shivi ovanhu kEdimbuluko, ile kwaavo twa li twa pa oifo, ile nghee hatu dulu oku li yandja moukalele weumbo neumbo konima yo 22 Marsa. (Tala oufo vOshiingilisha: km 3/06 p. 1, okatendo 3; p. 3-6; km 8/07 p. 3.) Unganeka pa ninge euliko limwe ile avali.

Ominute 15: Longifa Ombibeli ngeenge to nyamukula omapulo moukalele. Oshipopiwa neenghundafana novapwilikini de likolelela kembo Ministry School, epandja 143-144. Kwatela mo euliko lixupi: Omuudifi okwa pulwa epulo olo ovanhu hava pula luhapu moshitukulwa, ndele na longife Ombibeli opo a nyamukule epulo olo.

Eimbilo 145

* Ngeenge oshipopiwa shoye oshi na edidiliko olo lokanyofi, osha hala okutya etwalemo loye oli na okuningwa meni lomunute umwe, opo nee to hovele eenghundafana domapulo nomanyumuko.