Elandulafano lOkwoongala kwoPailonga
Oshivike osho tashi hovele no 8 Septemba
Eimbilo 204
Ominute 10: Omashiivifo eongalo. Pula ovapwilikini kutya oitukulwa ilipi yoifo oyo opo ya piti ve wete tai ka kala ihokwifa unene kovanhu moukalele. Va pula yo kutya omapulo nomishangwa dilipi va diladila oku ka longifa opo va hovele eenghundafana novanhu moukalele. Unganeka pa ningwe euliko li na sha nanghee oshifo keshe tashi dulu okuyandjwa.
Ominute 15: Natu kwafeleni ovakonakonimbibeli va ninge ovahongi vEendjovo daKalunga. Oshipopiwa eshi osha kanghamena kOshungonangelo yOshiwambo ye 1 Februali 2007, epandja 13-14, okatendo 14-20. Unganeka pa ningwe euliko li li pauxupi li na sha nanghee omuudifi ta dulu okuyelifila omukonakonimbibeli mupe shi na sha noshipopiwa shomoipafi nosho yo ekonakono lOshungonangelo noku mu shiva kokwoongala.
Ominute 20: Nghee hatu dulu okuungaunga novanhu ovo hatu shakeneke moukalele ve na onhondo. Oshipopiwa eshi oshi na okuyandjwa komukulunhuongalo noku na okukonga omauyelele moishangomwa yehangano oyo ya kundafana kombinga yoshinima osho. Yelifa nghee onghalo ya tya ngaho hai kumu oukalele wetu nonghee hatu dulu okupondola meenghalo da tya ngaho. Luhapu, onghedi omo hatu lihumbata kutya nee osheshi tu li moukalele ile osheshi twe lipyakidila nomalipyakidilo amwe e lili onghalamwenyo, ohai kwafele ovanhu ovo ve na onhondo va lundulule oikala yavo nova pwilikine ketumwalaka letu. Onghee hano, osha fimanenena okukala alushe twa lungamena onghedi omo hatu popi nosho yo omo hatu lihumbata. (1 Pet. 2:12; 3:1, 2) Hokolola oimoniwa yomoshitukulwa ile oyo tai hangwa moishangomwa yehangano, oyo tai ulike nghee hatu dulu okuungaunga novanhu ovo ve na onhondo.
Eimbilo 127
Oshivike osho tashi hovele no 15 Septemba
Eimbilo 94
Ominute 10: Omashiivifo eongalo. Omashiivifo oo a hoololwa mokafo aka kUukalele wetu wUukwanilwa.
Ominute 20: Otwe shi endifa ngahelipi moukalele omudo wa ya? Oshipopiwa neenghundafana novapwilikini. Oshi na okuyandjwa komupashukili woilonga ile komukulunhuongalo a pyokoka. Hokolola nghee eongalo le shi endifa moukalele momukokomoko womudo woilonga wa ya, to divilike opo le shi endifa nawa. Pandula ovaudifi omolweenghendabala davo. Unganeka komesho yefimbo opo omuudifi umwe ile vavali va hokolole oimoniwa ihokwifa oyo va hafela moukalele. Tumbula oshitwa shimwe ile ivali oko ovaudifi ve na okulongela ko momukokomoko womudo tau uya nokuninga omaetepo taa longo e na sha nanghee tava dulu okuxwepopaleka oukalele wavo.
Ominute 15: Ongahelipi handi dulu okupopila eitavelo lange kutya oinima oya shitwa? Omuyandji woshipopiwa eshi oku na okukonga omauyelele moishangomwa yehangano oyo ya kundafana kombinga yoshinima osho. Pula ovapwilikini va ninge omatyekosha avo shi na sha nanghee va li va popila eitavelo lavo kutya oinima oya shitwa, kutya nee osheshi ve li kofikola, koilonga ile opeemhito dimwe di lili. Oto dulu okuunganeka komesho yefimbo omuudifi umwe ile vavali va ka ninge omatyekosha avo.
Eimbilo 51
Oshivike osho tashi hovele no 22 Septemba
Eimbilo 104
Ominute 10: Omashiivifo eongalo. Lesha omushangwahokololo welongifo loimaliwa nosho yo omukanda wedimino li na sha nomayambidido oo wa dja koshitaimbelewa. Kundafana onhumwafo oyo ya dja koshitaimbelewa oyo i li pepandja lo-1.
Ominute 20: Jehova ote ke ku pa ondjabi omolwoilonga yoye. Oshipopiwa eshi osha kanghamena kOshungonangelo yOshiingilisha yo 15 Aprili 2005, okudja pokatendo 5 pepandja 28 fiyo okatendo kaxuuninwa pepandja 29. Pulapula pauxupi omuudifi umwe ile vavali ovaladi va hepaulule shi na sha nanghee Jehova e va wanifila po eemhumbwe davo dopalutu nodopamaliudo.
Ominute 15: Lilongekidila oku ka yandja Oshungonangelo ye 1 Oktoba no-Awake! yaOktoba. Ninga etwalemo li li pauxupi li na sha noshikalimo shoifo oyo, ndele to pula ovapwilikini kutya oitukulwa ilipi yoifo oyo ve wete tai ka kala ihokwifa unene kovanhu moukalele. Omapulo nomishangwa dilipi va diladila oku ka longifa opo va hovele eenghundafana novanhu moukalele? Unganeka pa ningwe euliko li na sha nanghee oshifo shimwe tashi dulu okuyandjwa, to longifa omaetepo oo e li mokafo aka koukalele. Unganeka yo pa ningwe euliko limwe komukulunhuongalo le likolelela koshitukulwa shonhumba shomoifo oyo osho e wete tashi wapalele okulongifwa moukalele.
Eimbilo 190
Oshivike osho tashi hovele no 29 Septemba
Eimbilo 45
Ominute 10: Omashiivifo eongalo. Kundafana kombinga yomalongekido omuOktoba e na sha noitukulwa ihai longwa. Oktoba oo omwedi waxuuninwa woku ka longa koitukulwa oyo ihai longwa. Ladipika ovaudifi aveshe va kufe ombinga pauyadi moshikonga osho. Dimbulukifa ovaudifi va yandje eelaporta davo doilonga yomomapya daSeptemba. Unganeka komesho yefimbo opo omuudifi umwe ile vavali va hokolole oimoniwa tai tungu oyo va hafela eshi va yandja oundombwedi wohangelela fimbo va li mefudo, koilonga ile peemhito dimwe di lili.
Ominute 15: Eemhumbwe deongalo.
Ominute 20: “Oshikonga shi ikalekelwa shokugandja okatraktate mo 20 gaKotoba sigo 16 gaNovomba.”* Ngeenge eongalo leni ola tuminwa oufo ovo, omupwilikini keshe na pewe okafo oko pokwoongala. Shimha wa fiki pokatendo okati-2, yelifa pauxupi shi na sha noshikalimo shokafo oko. Ngeenge owe uya pokatendo okati-4, napa ningwe euliko li na sha nanghee okafo oko ke na okuyandjwa. Pokatendo okati-5 napa ningwe euliko lomuudifi ta longifa okafo oko opo a hovele ekonakonombibeli eshi ta ningi elishuneko.
Eimbilo 9
Oshivike osho tashi hovele no 6 Oktoba
Eimbilo 15
Ominute 10: Omashiivifo eongalo.
Ominute 15: Oshimhungu shomapulo. Eenghundafana novapwilikini. Tofa yo omadiladilo onhumba mOshungonangelo yOshiwambo ye 1 Juli 2005, epandja 14-16, okatendo 10-16.
Ominute 20: “Kwafela vamwe va kale ve hole Jehova.”* Ngeenge efimbo otali shi pitike, pula ovapwilikini va ninge omatyekosha avo shi na sha nomishangwa odo da etwa mo ndele inadi tofwa mo.
Eimbilo 132
* Ngeenge oshipopiwa shoye oshi na edidiliko olo lokanyofi, osha hala okutya etwalemo loye oli na okuningwa meni lomunute umwe, opo nee to hovele eenghundafana domapulo nomanyamukulo.