Shoka tatu vulu okutya ngele tatu gandja iifo

Oshungonangelo 1 Apilili

“Aantu oyendji muuyuni kunena ohayu ulike uukwatya ngaashi uutondwe, uuntsa, ondumbo, olwiho nohaya kengelelathana. Olye e ya nwetha mo ya kale ngaaka? [Tegelela a yamukule.] Tala shoka Ombiimbeli tayi ti. [Lesha 2 Aakorinto 4:4.] Oshifo shika otashi tu kwathele okumona kutya Satana oye ha nwetha mo aantu ya kokeke uukwatya mboka.” Mu ulukila oshitopolwa shoka tashi tameke pepandja 13.

Awake! Apilili

“Oondjokana odhindji otadhi teka molwaashoka aaihokani ohaya yi momilalo kondje yondjokana. Mbela okutula miilonga enyolo ndika otaku vulu okukwathela oondjokana dhi kalelele? [Lesha Mateus 5:28. Tegelela a yamukule.] Moshifo shika omu na oshitopolwa shoka tashi kwathele aaihokani ya henuke omwigo gwokuyona ondjokana.” Mu ulukila oshitopolwa shoka tashi tameke pepandja 28.

Oshungonangelo 1 Mei

“Onda hala okuuva kutya ngoye oto ti ngiini kombinga yoohapu dhaJesus tadhi landula. [Lesha Johannes 3:3.] Mbela sho to dhiladhila otashi ti shike okuvalululwa? [Tegelela a yamukule.] Okuuva ko nawa oohapu dhaJesus otashi ka guma onkalamwenyo yetu netegameno lyetu lyonakuyiwa. Oshifo shika otashi yelitha oshinima shika.”

Awake! Mei

“Aantu oyendji kunena ohaya longitha nayi omiti ndhoka haya pewa koshipangelo. Sho to tala omolwashike haye shi ningile? [Tegelela a yamukule.] Ombiimbeli otayi popi osheetithi shimwe moshinima shoka unene tuu kaanona. [Lesha Omayeletumbulo 13:20.] Oshifo shika otashi kundathana nkene to vulu okwiigamena nosho wo uukwanegumbo woye koshiponga shika.”