Elandulathano lyoshiwike sho 26 Septemba

OSHIWIKE TASHI TAMEKE NO 26 SEPTEMBA

Eimbilo 101 negalikano

□ Ekonakonombiimbeli lyEgongalo:

fy ep. 185-186, okat. 6-9 (ominute 25)

□ Osikola yUukalele woPauteokratika:

Elesho lyOmbiimbeli: Omapisalomi 142–150 (ominute 10)

Sho-1: Episalomi 144:1–145:4 (meni lyominute 4)

Oshi-2: Opu na yalwe ye tu vule — lr ontop. 8 (ominute 5)

Oshi-3: Omolwashike katu na ‘okutongola ondjelo yaantu’? — Jak. 2:1-4 (ominute 5)

□ Okugongala kwoPailonga:

Eimbilo 56

Ominute 10: Omatseyitho. Oonkundathana naapulakeni. “Omukalo gumwe ishewe nkene tu na okulongitha okabroshure Etumwalaka lyOmbiimbeli.” Napu ningwe euliko nkene ekonakonombiimbeli tali vulu okutamekwa mOlyomakaya ye 1 Kotoba to longitha oshiholelwa shoka shi li pepandja eti-4. Ladhipika ayehe ya kuthe ombinga.

Ominute 10: Oshimpungu shomapulo. Oonkundathana naapulakeni. Longitha wo uuyelele mboka wu li mUukalele Wetu wUukwaniilwa wOshiingilisa waMaalitsa 2005, epandja 4.

Ominute 15: Ilongekidha oku ka gandja iifo yaKotoba. Oonkundathana naapulakeni. Longitha omunute gumwe nenge mbali wu kundathane iitsa yontumba mbyoka wu wete tayi pendutha ohokwe maantu moshitopolwa sheni. Hogolola mo iitopolwa iyali nenge itatu e to pula aapulakeni kutya omapulo nomanyolo geni taya ka longitha moku yi ulukila aantu. Molwaashoka o-Awake! yaKotoba oyi li oshifo shi ikalekelwa, pula aapulakeni ya popye kutya otayi opalele olye, nongiini tatu vulu oku yi gandja. Napu ningwe euliko nkene oshifo kehe tashi vulu okugandjwa.

Eimbilo 41 negalikano