Egulu epe nevi epe otali ke etela aantu enyanyu enene

Euvaneko lyaKalunga lyokuninga iinima iipe ndyoka lya popiwa muJesaja ontopolwa 65 otali ka gwanithwa shili, nomolwaashono Jehova e li popi lya fa lya gwanithwa nale.

Jehova ota shiti egulu epe nevi epe moka iiningwanima yonale tayi ka dhimbiwa thiluthilu

65:17

Egulu epe oshike?

• Olyo epangelo epe ndyoka tali ke eta uuyuuki kombanda yevi

• Epangelo ndyoka olya dhikwa po mo 1914, sho Jesus a ningi Omukwaniilwa gwUukwaniilwa waKalunga

Evi epe oshike?

• Olyo uulikumwe waantu ya za miigwana ayihe, momalaka agehe nomomihoko adhihe, mboka haya vulika kepangelo epe lyomegulu

Ongiini iiningwanima yonale tayi ka dhimbiwa thiluthilu?

• Oosho iinima ayihe mbyoka hayi tu ningitha tu dhimbulukwe iinima iiwinayi mbyoka hayi tu ehameke palutu, pamadhiladhilo nopamaiyuvo, itaayi ka kala po we

• Mboka aadhiginini otaya ka nyanyukilwa onkalamwenyo sigo aluhe notaya ka kala owala haya dhimbulukwa iinima iiwanawa esiku kehe