Emoniko tali koleke eitaalo

9:1-7

Dhiladhila kunkene Jesus tashi vulika a li u uvite pethimbo lyemoniko lyokushituluka kwe, sho He gwomegulu a popi kutya okwe mu hokwa. Shika osha li sha nkondopaleke Jesus, opo a vule oku ka pita momahepeko ngoka a li e li pokutaalela. Emoniko ndika olya li wo lya kumitha noonkondo Petrus, Jakob naJohannes. Olye ya shilipaleke kutya Jesus oye lela Mesiasa nonokutya oye li mondjila sho haya pulakene kuye. Konima yomimvo 32 lwaampono, Petrus okwa li natango a dhimbulukwa oshiningwanima shoka nankene sha li sha koleke eitaalo lye “melaka lyu uvithwa kaahunganeki.” — 2Pet 1:16-19.

Nonando inatu mona emoniko ndyoka ekumithi, otu wete okugwanithwa kwalyo. Jesus ota pangele e li Omukwaniilwa omunankondo. Masiku ota ka ‘sindana’ note ke eta uuyuni uupe wuuyuuki. — Eh 6:2.

Eitaalo lyoye olya kolekwa ngiini, sho wu wete omahunganeko gOmbiimbeli taga gwanithwa?