ONKALAMWENYO YOPAKRISTE

Eihumbato ewanawa nesimaneko ohayi inyengitha omitima dhaantu

Aakulukadhi mboka haya ningi Oonzapo dhaJehova, olundji ohaye ki inyengitha aasamane yawo ye ye moshili, okupitila meihumbato lyawo lyopaKriste. Ihe nonando ongawo, ohashi vulika yi idhidhimikile omaudhigu omimvo odhindji. (1Pet 2:21-23; 3:1, 2) Ngele oto monithwa iihuna kaashi li pauyuki, tsikila okusinda uuwinayi nuuwanawa. (Rom 12:21) Oshiholelwa shoye oshiwanawa otashi vulika shi lundulule iikala yomusamane gwoye nonando ino popya sha.

Kambadhala okukala wu na etaloko lyiinima lya fa lyakuume koye kopandjokana. (Fil 2:3, 4) Ulika ohenda nolukeno. Ninga wo ngaashi to vulu wu gwanithe po iinakugwanithwa yoye nesimaneko wu li omukulukadhi omuhokanwa. Kala ho pulakene nawa. (Jak 1:19) Kala omwiidhidhimiki nokuulika lela kutya owu hole kuume koye kopandjokana. Nonando kuume koye ihe ku ulukile olukeno nesimaneko, kala wu na uushili kutya Jehova okwe ku nyanyukilwa sho wu li omudhiginini. — 1Pet 2:19, 20.

TALA OKAVIDIO JEHOVA OHE TU PE OONKONDO TU VULE OKUHUMBATA OMITENGE DHETU, E TO YAMUKULA OMAPULO NGAKA:

Onkalamwenyo yomumwameme Grace Li oya li ngiini petameko lyondjokana ye?
Oshike she mu inyengitha a taambe ko oshili?
Omumwameme Li okwi idhidhimikile ngiini omaudhigu konima sho a ninginithwa?
Okwa li a galikana shike kombinga yomusamane gwe?
Omumwameme Li okwa li a mono omayambeko geni sho a kala e na eihumbato ewanawa nesimaneko?

Omathano: Iitopolwa ya za mokavidio ‘Jehova ohe tu pe oonkondo tu vule okuhumbata omitenge dhetu,’ tayi ulike nkene Grace Li a ningi ehumokohemo. 1. Grace ta lili a kuutumba momukala. 2 Omumwameme ta konakona Ombiimbeli naGrace Li. 3. Grace noyana taya zi morestolanda yawo taya yi kokugongala. 4. Grace noyaandjawo omugoyi, ye li mOshinyanga shUukwaniilwa. — Eihumbato ewanawa nesimaneko ohayi inyengitha lela aantu!