Oolye tandi ka hiya?

Omumvo kehe, ohatu hiya aantu moshitopolwa shetu ye ye tu dhimbulukwe eso lyaJesus pamwe nayo. Oyendji yomuyo katu ya shi. Otu na wo okukala hatu hiya mboka tu shi. Omuntu ngele okwa hiywa komuntu ngoka e shi nenge i igilila, olundji oha kala a hala okukala po. (yb08-E ep. 11, okat. 3; ep. 14, okat. 1) Oolye to vulu oku ka hiya?

• Aakwanezimo

• Aaniilonga pamwe nangoye nenge aanasikola ooyakweni

• Aashiinda

• Oomboka ho talele po nosho wo mboka pwa pita ethimbo inoo talela po nenge mboka to konakona nayo ngashingeyi

Shimwe ishewe, aakuluntugongalo otaya vulu okuhiya mboka inaayi ipyakidhila we. Ongiini ngele ngoka wu shi ke li moshitopolwa sheni? Oto vulu okukonga ethimbo nehala mpoka tapu ka ningilwa Edhimbuluko moshitopolwa moka e li, to thindi mpoka pwa nyolwa KOMBINGA YETU, pombanda kepandja lyetu kointaneta, e to thindi mpoka pwa nyolwa “Edhimbuluko.” Sho to ilongekidhile Edhimbuluko omumvo nguka, dhiladhila kutya oto ka hiya oolye.