Okuhwepopaleka uunkulungu wetu muukalele — okugandja uunzapo okupitila methano nenge mokambako kopomweelo

OMOLWASHIKE SHA SIMANA?: Sho uuteknolohi tawu ende tawu humu komeho nomiyonena tadhi indjipala, pomagumbo ogendji opu na omathano nuumbako. Otashi vulika tu kale twa tila uuna tatu kambadhala okulombwela omuntu onkundana ombwanawa ngoka kaatu wete, ihe ye oku tu wete. Omadhimbulukitho taga landula otage ke tu kwathela tu gandje uunzapo nomukumo okupitila methano nenge mokambako.

NKENE TATU VULU OKU SHI NINGA:

• Kala netaloko ewanawa. Aantu oyendji mboka ye na omathano nenge uumbako pomagumbo gawo ohaya kala ya hala okupopya natse

• Dhimbulukwa kutya omathano gamwe ohaga tameke okukwata omanga inoo dhenga okangendjo notashi vulika omunegumbo a kale e ku tala nokwe ku pulakena manga nokuli inoo thika pomweelo

• Ngele omunegumbo okwe ku yamukula, popila mokambako nenge methano ngaashi to popi naye oshipala noshipala. Imemeha nokuninga omaudhi ge li paunshitwe. Popya shoka wi ilongekidha ngele okwe ya pomweelo. Ngele opu na ethano, ino popya wa hedha mulyo unene. Ngele omunegumbo ina yamukula, ino thiga po etumwalaka lya sha

• Konima ngele mwa mana oonkundathana, dhimbulukwa kutya omunegumbo otashi vulika a kale e ku tala nenge e ku pulakena