Longitha iiningwanima iitalala muukalele

Jesus okwa li a longitha iiningwanima opo ya ningwa sho tu uvitha, a longe aantu iinima yontumba. (Luk 13:1-5) Nangoye oto vulu oku shi ninga, wu ningithe aantu ya kale ye na ohokwe metumwalaka lyUukwaniilwa. Konima ngele wa popi kombinga yankene uuhupilo tawu shongola, oshiponga shopaunshitwe, omakuyunguto gontumba, okupikwa kiingangamithi nenge ngaa sha shilwe, oto vulu okupula omuntu epulo ndyoka tali mu ningitha a dhiladhile. Oto vulu okupula to ti: “Mbela sho to dhiladhila . . . onayi ke ye ngaa pehulilo?” nenge “Mbela oshike wu wete tashi vulu okukandula po . . . ?” Opo nduno, mu leshela enyolo ndyoka tali popi kombinga yoshinima shoka. Ngele omuntu oku ulike ohokwe, mu ulukila okavidio nenge wu mu pe oshileshomwa shomwaambyoka yi li mOkaketha ketu kiilongitho yokulonga aantu. Sho tatu kambadhala okwaadha omitima dhaantu yomoshitopolwa shetu, natu ‘ninge ngaashi tatu vulu, omolwevaangeli.’ — 1Kor 9:22, 23.

Iikundathanwa yini aantu yomoshitopolwa sheni tashi vulika ya kale ye na ohokwe muyo?