Shoka tatu vulu okutya ngele tatu gandja iifo

Oshungonangelo 1 Des.

“Aantu oyendji kunena oyi itaala kutya Jesus omuntu i ikalekelwa. Mbela nangoye oto tsu kumwe nayo? [Tegelela a yamukule.] Etompelo limwe otali adhika muJohannes 14:6. [Lesha.] Oshifo shika otashi tu pe natango omatompelo ogendji kutya omolwashike Jesus omuntu i ikalekelwa nomolwashike tu na okukala twe mu lenga.” Mu ulukila oshitopolwa shoka tashi tameke pepandja 21.

Awake! Des.

“Oyendji ohaya kambadhala okusimaneka Jesus pethimbo ndika lyomumvo. Pavelise ndjika, omukalo guni tagu opalele oku mu simaneka? [Lesha Johannes 14:15. Tegelela a yamukule.] Esiku ndyoka Jesus a valwa inali tseyika notashi vulika wu ka kale wa kumwa ngele owi ilongo kutya omolwashike 25 gaDesemba ga hogololwa ga ninge esiku lyOkrismesa.” Mu ulukila oshitopolwa shoka tashi tameke pepandja 10.

Oshungonangelo 1 Jan.

“Aantu oyendji oya li tayi ipula kombinga yaJesus pethimbo lyomatango omanene ngoka opo ga piti. Mbela Jesus okwa nwetha mo ngiini onkalamwenyo yoye? [Tegelela a yamukule.] Ombiimbeli otayi tu ladhipike tu holele Jesus. [Lesha 1 Petrus 2:21.] Ngele tatu shi ningi otatu ka kala twa nyanyukwa. Oshifo shika otashi shi yelitha nawa.”

Awake! Jan.

“Omatale nomilonga odhindji muuyuni otadhi ende tadhi pwine, naantu omamiliyona kaaye na omeya ga yela gokunwa. Mbela oto dhiladhila kutya aantu otaya vulu okukandula po uupyakadhi mbuka? [Tegelela a yamukule. Opo nduno lesha Jeremia 10:23.] Oshifo shika otashi popi nkene tawu vulu okukandulwa po ngaashi sha popiwa mOmbiimbeli.”