Shoka tatu vulu okutya ngele tatu gandja iifo

Oshungonangelo 1 Nov.

Aantu oyendji oyi itaala kutya Satana oye ha ningitha aantu ya longe iilonga iiwinayi. Mbela ngoye oto dhiladhila ngiini? [Tegelela a yamukule.] Tala shoka Jesus a li a lombwele Satana. [Lesha Mateus 4:10.] Moshifo shika pepandja 28 omu na oshitopolwa shoka tashi tu kwathele twi ilonge koshiholelwa shaJesus nkene tatu vulu okukondjitha Satana.

Awake! Nov.

“Aantu oyendji otaye shi zimine kutya oohi momafuta otadhi ende tadhi shonopala noonkondo. Mbela oto dhiladhila kutya omapangelo gopantu otaga ka pondola mokukandula po uupyakadhi mboka? [Tegelela a yamukule. Opo nduno lesha Mateus 6:10.] Moshifo shika omu na oshitopolwa tashi ulike kutya omolwashike aantu tayi ipula naashoka nonkene Kalunga ta ka kandula po uupyakadhi mboka.” Mu ulukila oshitopolwa shoka tashi tameke pepandja 20.

Oshungonangelo 1 Des.

“Oshi li oshidhigu kaantu oyendji okwiitaala kutya Kalunga omunahole omolwelongo lyomulilo gwaaluhe. Mbela ngoye oto ti ngiini? [Tegelela a yamukule.] Ombiimbeli otayi longo sha yela kutya Kalunga ke shi omukwanyanya noiha kwatele onkone. [Lesha Hesekiel 18:23.] Oto ka nyanyukilwa omayamukulo gopamanyolo ngoka ge li moshifo shika.”

Awake! Des.

“Aantu oyendji oya kala nokwiipula epulo ndika uule womathelemumvo. [Mu ulukila epulo ndyoka li li kombanda yoshifo shika.] Mbela sho to tala openi tatu vulu okwaadha eyamukulo lyolela? [Tegelela a yamukule.] Tala kutya omolwashike Kalunga oye e na oku tu pa eyamukulo. [Lesha Episalomi 100:3.] Oshifo shika otashi ulike shoka Ombiimbeli tayi ti kombinga yoshinima shika.”