Shoka tatu vulu okutya ngele tatu gandja iifo

Oshungonangelo 1 Januali

“Aantu oyendji kunena oyu uvite ya teka omukumo. Mbela sho to tala, otaya vulu okukwathelwa ngiini? [Tegelela a yamukule. Lesha Eps.145:14.] Moshifo shika omu na oshitopolwa shoka tashi popi nkene Kalunga ha ambidhidha aantu mboka omwolwohenda ye.” Mu ulukila oshitopolwa shoka tashi tameke pepandja 16.

Awake! Januali

“Uuna aantu oyendji ye li muupyakadhi ohaya dhiladhila kutya egeelo okuza kuKalunga. Mbela nangoye opu na esiku wa li wu uvite ngawo? [Tegelela a yamukule. Lesha Jakob 1:13.] Oshifo shika otashi yelitha kutya olye he tu etele omaupyakadhi nomolwashike tu na okukala neinekelo kutya otaga ka hula masiku.” Mu ulukila oshitopolwa shoka tashi tameke pepandja 28.

Oshungonangelo 1 Febuluali

“Aantu muuyuni oye na etaloko lya yooloka kombinga yaMaria, yina yaJesus. Ngoye oto ti ngiini shi na ko nasha naye? [Tegelela a yamukule.] Ombiimbeli otayi ulike kutya Maria okwa li a dhana onkandangala yi ikalekelwa mondjokonona. [Lesha Lukas 1:30-32.] Oshifo shika otashi kundathana shoka tatu vulu okwiilonga moshiholelwa she.”

Awake! Febuluali

“Kehe shimwe kombanda yevi otashi ulike kutya osha shitwa nelalakano lyokukaleka po onkalamwenyo. Mbela oto dhiladhila kutya eshito olye ya po owala ombaadhilila nenge owi itaala kutya opu na Omushiti? [Tegelela a yamukule.] Aantu oyendji otaya tsu kumwe novelise ndjika yOmbiimbeli. [Lesha Episalomi 104:24.] Oshifo shika otashi gandja uunzapo wopaunongononi nowopamanyolo kombinga yOmushiti.”