Shoka tatu vulu okutya uuna tatu gandja iifo

Oshungolangelo 1 Septemba

“Aantu oyendji kunena oya simaneka elongo lyokouniveesiti opo ya mone ontseyo. Ihe opu na elongo limwe li vule lyoouniveesiti adhihe. Olini mbela? [Tegelela a yamukule.] Tala shoka Ombiimbeli tayi ti. [Lesha Aafilippi 3:8.] Oshifo shika otashi yelitha nkene elongo lyopakalunga lya simana.” Mu ulukila oshitopolwa tashi tameke pepandja 24.

Septemba

Lesha 1 Johannes 4:8, e to ti: “Yamwe oyi itaala kutya Kalunga ota ka fika aakolokoshi momulilo gwoheli sigo aluhe. Yalwe oye wete kutya edhiladhilo ndyoka itali tsu kumwe naashoka twa lesha mpaka. Ngoye oto ti ngiini? [Tegelela a yamukule.] Moshifo shika omu na oshitopolwa tashi popi oshinima shoka.” Mu ulukila oshitopolwa shoka tashi tameke pepandja 10.

Oshungolangelo 1 Kotoba

“Yamwe ohaya ti kutya ngele owi itaala muKalunga, ote ku pe uuyamba, nongele owa hepa nena otashi ulike kutya ine ku hokwa. Ngoye oto dhiladhila ngiini? [Tegelela a yamukule.] Ihe Jesus ka li nando omuyamba. [Lesha Lukas 9:58.] Oshifo shika otashi popi kombinga yomayambeko ngoka aapiya yaKalunga taya vulu okumona.”

Kotoba

“Odhoshili kutya muukwanegumbo kehe otamu vulu okuholoka uupyakadhi. Openi omaukwanegumbo taga vulu okwaadha omayele ge shi okwiinekelwa notaga longo? [Tegelela a yamukule. Lesha Episalomi 32:8.] Oshifo shika otashi popi kondandalunde omakotampango ngoka taga kwathele uukwanegumbo uuna we ga tula miilonga.”