Shoka tatu vulu okutya ngele tatu gandja iifo

Oshungonangelo 1 Kotoba

“Aantu oyendji ohayi ipula kutya openi Kain a li a kutha omukulukadhi gwe. Mbela ngoye owa tseya kutya okwa li e mu kutha peni? [Tegelela a yamukule. Lesha Genesis 5:4.] Oshifo shika pepandja 32 otashi yamukula epulo ndyoka.”

Awake! Kotoba

“Aantu yamwe ohaya ti kutya Kalunga ke nohenda. Ihe yamwe otaya ti kutya ye omunahenda. Ngoye oto ti ngiini? [Tegelela a yamukule.] Tala koohapu ndhika tadhi hokitha. [Lesha 1 Petrus 5:6, 7.] Moshifo shika pepandja 29 omu na oshitopolwa tashi yamukula epulo ndika okuza mOmbiimbeli kutya: Mbela Kalunga omuntu gwolela?”

Oshungonangelo 1 Novomba

“Aantu yomalongelokalunga gi ili nogi ili muuyuni auhe ohaya galikana. Mbela Kalunga ohu uvu ngaa omagalikano gawo noku ga yamukula? [Tegelela a yamukule.] Ombiimbeli otayi tu ladhipike tu kale nokugalikana. [Lesha Aafilippi 4:6, 7.] Oshifo shika otashi yamukula omapulo gaheyali ngoka haga pulwa kombinga yegalikano.”

Awake! Novomba

“Yamwe mboka inaayi itaala muKalunga ohaya kala nokuulika kiinima iiwinayi mbyoka tayi ningwa medhina lyaKalunga noyu uvite kutya uuyuni otawu kala wu li nawa ngele kapu na omalongelokalunga. Ngoye oto ti ngiini? [Tegelela a yamukule.] Tala ketompelo limwe kutya omolwashike aantu taya mono iihuna omolwomalongelokalunga giifundja. [Lesha 2 Timoteus 4:3, 4.] Oshifo shika otashi tu kwathele tu mone kutya okutompathana kwaantu mboka kaku li pandunge.”