Iiholelwa yomafalomo

Nkene to vulu okutameka omakonakonombiimbeli mOlyomakaya yotango yaJanuali

“Sho to tala mbela aantu mba haya vulika kuKalunga oye na enyanyu shi vulithe yalwe? [Tegelela a yamukule] Moshileshwa muka omu na iitsa tayi nywitha omakutsi. Pa omunegumbo Oshungolangelo yaJanuali-Maalitsa e ta mu lesha pamwe kamwe komuupalanyolo uushona pepandja 16-17. Lesha limwe lyomomanyolo. Gandja oshifo e to ningi elongekidho wu galuke wu ye wu yamukule epulo lya landula ko.”

Oshungolangelo Januali-Maalitsa

“Aantu yamwe ohaya dhiladhila kutya shoka Ombiimbeli tayi ti kombinga yomilalo oshinima shonkulu yonale nosha tula aantu mondholongo. Yalwe oya taamba ko shoka tayi ti. Ngoye oto ti ngiini? [Tegelela a yamukule] Tala kwaashoka ovelise ndjika tayi ti kutya olye a tula po omithikampango ndhoka dhi li mOmbiimbeli. [2 Timoteus 3:16] Oshifo shika otashi kundathana kombinga yomapulo omulongo ngoka aantu haya pula olundji kombinga yomilalo. Otashi yelitha wo nkene omithikampango dhOmbiimbeli tadhi tu etele uuwanawa.”

Awake! Januali

“Ombumbo niinima yilwe kaayi li pauyuuki, oya ha ngashingeyi moongeshefa. Aantu yamwe oyu uvite kutya ngele otaya longo pauyuuki itaya ka pondola moongeshefa dhawo. Ngoye oto ti ngiini? [Tegelela a yamukule] Pulakena keyeletumbulo ndika ta li ningitha omuntu a dhiladhile. [Lesha Omayeletumbulo 20:17.] Oshifo shika otashi yelitha kutya omolwashike sha simana tu kale aanashili.”