Iiholelwa yomafalomo

Nkene to vulu okutameka omakonakonombiimbeli mOlyomakaya yotango yaJanuali

“Aantu oyendji oyi itaala kutya ngele ya si otaya yi megulu. Mbela sho to tala aantu mba taya yi megulu otaya ka ninga mo shike?” Tegelela a yamukule. Mu ulukila efo lyahugunina lyOshungolangelo yaJanuali-Febuluali. Taleni uuyelele mboka wu li mepulo lyotango e ta mu lesha enyolo limwe lyomwaangoka ge etwa po. Mu pa oshifo e to ningi omalongekidho wu galuke mu kundathane epulo lya landula ko.

Januali–Febuluali

“Pitika ndje ndi ku pule. Mbela omolwashike Kalunga a shitile aantu? [Tegelela a yamukule.] Tala shoka Ombiimbeli tayi ti. [Lesha Omuuvithi 12:13.] Kalunga okwe tu shita nelalakano tu kale tatu mu longele. Onkee ano, itatu ka kala tu na ombili ngele katu na ekwatathano naKalunga monkalamwenyo yetu. Oshifo shika otashi kundathana kutya omolwashike twa pumbwa Kalunga.”

Januali

“Aantu momagumbo kunena oye li mo taya thiminikwa kiinima oyindji. Omolwashike onkalo yomomagumbo ya lulila aantu oyendji? [Tegelela a yamukule.] Ombiimbeli otayi popi shoka aanamagumbo ye na okuninga opo ya tunge nokukala ye na ekwatathano lya kola. [Lesha Omayeletumbulo 24:3.] Aanamagumbo oyendji oye shi mona kutya Ombiimbeli oyi li onzo yuunongo mboka wu shi okwiinekelwa. Oshifo shika otashi kundathana kombinga yo-Web site yOmbiimbeli yi ikalekelwa ndjoka kuyo ku na uuyelele to vulu oku wu tapa ko oshali mboka tawu kwathele kehe gumwe megumbo.”