Esimano lyokutameka omakonakonombiimbeli mOlyomakaya yotango yomwedhi
Petameko lyaMei 2011, aauvithi oya li ya ladhipikwa ya kale haya tameke omakonakonombiimbeli mOlyomakaya yotango yomwedhi kehe. Oshungolangelo yuukalele ohayi kala aluhe yi na oshitopolwa shi na oshipalanyolo “Omapulo gopaMbiimbeli taga yamukulwa” shoka tashi tu kwathele moshinima shika. Onkee ano, aauvithi oye na okukwathelwa pelongekidho lyiilonga yomomapya mOlyomakaya yotango yomwedhi nkene omakonakonombiimbeli taga vulu okutamekwa. Napu kale pu na euliko nkene tashi vulu okuningwa.
Aakuluntugongalo otaya vulu okuhogolola ongundu kehe yi ka longa koshitopolwa shawo mOlyomakaya yotango, nenge ya tokole oongundu dhi imbwange mumwe e tadhi tsakanene pehala limwe, tashi vulika pOshinyanga shUukwaniilwa. Ihe ngele opu na omagongalo ogendji haga longitha Oshinyanga shUukwaniilwa, esiku ndika li ikalekelwa lyokutameka omakonakonimbiimbeli kali na okuundulilwa kesiku lilwe, nelalakano andola oongundu dhi ninge elongekidho lyiilonga yomomapya pamwe.