Iitopolwa yomembo Kala nonkalamwenyo ombwanawa sigo aluhe mbyoka yi li ekwatho enene

Mbela owu hole okulongitha uuvidio nosho wo omapulo ngoka gi ikolelela kuwo membo Kala nonkalamwenyo ombwanawa sigo aluhe? Ongiini kombinga yiitopolwa: “Aantu yamwe ohaya ti,” “Itulila po elalakano” nosho wo “Uuyelele wa gwedhwa po”? Iitopolwa yilwe yini tashi vulika wu mone yi li ekwatho, sho to ningi ekonakonombiimbeli? — Mat 28:19, 20.

Uuyelele awuhe: Ngele owa hogolola okuninga ekonakonombiimbeli to longitha embo ndyoka lya pilintwa, ongiini to ka vula okuulika uuvidio nosho wo iikwamawi yilwe? Membo lyopaelektronika, hogolola shimwe shomiitopolwa ine. Ngele owa yi pevi lyomusholondondo gwiipalanyolo yiileshwa, oto vulu okutapa uuvidio awuhe woshitopolwa shimwe. (Tala ethano 1.)

“Printed Edition”: Ngele oto konakona nomuntu to longitha oshikwaelektronika, otashi vulika poompito dhimwe shi ka kale ekwatho enene okulongitha embo molupe halu ithanwa “Printed Edition,” pethimbo tamu konakona. Opo wu vule oku shi longitha, uuna wu li moshileshwa shontumba thinda puundothi utatu pombanda, e to yi mpoka pwa nyolwa “Printed Edition.” Omukalo ngoka, otagu vulu oku ku kwathela wu kaleke momadhiladhilo nkene shoka tamu kundathana sha pambathana noshipalanyolo shoshileshwa. Opo wu shune komukalo ngoka wa li to longitha tango, thinda puundothi owo tuu mboka, e to yi mpoka pwa nyolwa “Digital Edition.”

“Ondi ilongekidha ngaa?”: Uumpungu mboka wu li lwopehulilo lyembo, owa popya iitegelelwa ya simana mbyoka omuntu e na okugwanitha po, opo a vule okuuvitha pamwe negongalo noku ninginithwe. (Tala ethano 2.)

Omayelitho: Omayelitho oga yelitha omautumbulilo gontumba ga simana. Pehulilo lyeyelitho kehe membo ndyoka li li paelektronika, opu na olinka ndjoka tayi ku shuna mpoka wa adhika wa hulila moshileshwa. (Tala ethano 2.)