Kala ho lesha Ombiimbeli yoye esiku kehe

Molwaashoka ohatu kala twi ipyakidhila esiku kehe, mbela oho mono oshidhigu okulesha Oohapu dhaKalunga esiku kehe? (Jos. 1:8) Ngele osho, kambadhala okulandula limwe lyomomaetopo ngaka:

• Ninga edhimbulukitho lyesiku kehe. Tula ko oalalama koshikwaelektronika shoye, opo yi ku dhimbulukithe kombinga yelesho lyoye lyoMbiimbeli.

• Tula Ombiimbeli yoye pehala mpoka to vulu okukala wu yi wete. Ngele oho lesha mOmbiimbeli ndjoka ya pilintwa, yi tula pehala mpoka to vulu okukala wu yi wete esiku kehe. — Deut. 11:18.

• Pulakena komawi ngoka ga kwatwa. Pulakena komawi gOmbiimbeli ngoka ga kwatwa, sho to longo iilonga yoye yakehe esiku. Tara, omukokolindjila nomuvalakadhi ngoka ha longo uusiku ota ti: “Okupulakena komawi gOmbiimbeli ngoka ga kwatwa sho tandi longo iilonga yandje yomegumbo, ohashi kwathele ndje ndi leshe Ombiimbeli yandje esiku kehe.”

• Kala omudhiginini. Ngele opwa ningwa sha shoka wa li inoo tegelela, e to kala inoo lesha Ombiimbeli yoye, kambadhala okulesha nando oovelise oonshona manga inoo ka lala. Nonando oho lesha owala oovelise oonshona esiku kehe, oto ka mona mo uuwanawa. — 1 Pet. 2:2.